Jennifer Simpson

Frå Wikipedia – det frie oppslagsverket
Hopp til navigering Hopp til søk
Jennifer Simpson

Jennifer Barringercrop.jpg

Statsborgarskap USA
Fødd 23. august 1986
Webster City
Idrett friidrett
Yrke mellomdistanseløper, friidrettsutøvar

Jennifer Mae Simpson, fødd Barringer, (fødd 23. august 1986) er ein USA-amerikansk mellomdistanse- og hinderløpar frå Webster City i delstaten Iowa. Ho vart verdsmeister på 1500 meter under VM i friidrett 2011 og tok sølvmedaljen på same distansen under VM i friidrett 2013.

Aktiv[endre | endre wikiteksten]

Jennifer Barringer satsa på 3000 meter hinder fram til 2009. Ho deltok i denne øvinga både under Sommar-OL 2008 og friidretts-VM 2009, i den sistnemnde tevlinga vart ho nummer fem med personleg rekord på 9.12,5. Etter å ha gått skadd i 2010-sesongen valde ho å prioritere 1500 meter.

Under verdsmeisterskapen i Daegu i 2011 spurta Jennifer Simpson til siger på 1500 m. Året etter lukkast ho ikkje å kvalifisere seg til 1500-metersfinalen under sommar-OL i London. Derimot sprang ho inn til VM-sølv på 1500 m under VM i fridrett 2013 i Moskva. I 2014-sesongen forbetra ho den personlege rekorden på 1500 m til 3.57,2 då ho vart nummer to i Diamond League-stemnet i franske Saint-Denis.

Jennifer Barringer i 2008

Medaljar og plasseringar i internasjonale meisterskap[endre | endre wikiteksten]

  • OL 2008 i Beijing: Nr 9 i 3000 m hinder - 9.22,2
  • VM 2009 i Berlin: Nr 5 i 3000 m hinder - 9.12,5
  • VM 2011 i Daegu: Gullmedalje på 1500 m - 4.05,4, framom Hannah England (4.05,6)
  • OL 2012 i London: Utslått i semifinalane på 1500 m (4.06,8 =nr 12)
  • VM 2013 i Moskva: Sølvmedalje på 1500 m - 4.02,9, bakom Abeba Aregawi (4.02,6)

Kjelder[endre | endre wikiteksten]