Jens Zetlitz

Frå Wikipedia – det frie oppslagsverket
Hopp til navigering Hopp til søk
Jens Zetlitz
Nasjonalitet Norsk
Fødd 26. januar 1761
Stavanger
Død

14. januar 1821
Kviteseid

Yrke Prest
Påverka av Johan Nordahl Brun
Periode 1789-1812
Rørsle Det Norske Selskab
Debut Poesier: første samling

Jens Zetlitz (26. januar 176114. januar 1821) var ein norsk diktar, fødd i Stavanger.

Liv[endre | endre wikiteksten]

På slutten av 1700-talet flytta Jens Zetlitz til København for å studera teologi. Der vart han medlem av Det Norske Selskab, og vart særleg kjend for selskapssongane og drikkevisene sine og fekk tilnamnet «Glædens muntre Sanger». Etter studietida flytta han attende til Noreg, og arbeidde som sokneprest i Vikedal i Ryfylke og seinare i Kviteseid i Telemark, til han døydde nær 60 år gammal.

Kviteseid gamle kyrkje der Zetlitz var prest

Slekt og familie[endre | endre wikiteksten]

Saman med kona Maren Elisabeth Bull (fødd 11. september 1761, død 20. januar 1801) fekk han fire born; Axeliane Christine Zetlitz, gift Kielland (fødd 8. juli 1792, død 15. februar 1855), Mette Christine (fødd 1794, død 1853), Kirsten (fødd 1799, død 1878) og Johanne Margrethe (fødd 1797). Axeliane vart mor til Jens Zetlitz Kielland (1816-1881), som igjen mellom anna vart far til forfattaren Alexander Lange Kielland og kunstnarinna Kitty Kielland. Etter at fyrste kona døydde i 1801 gifte han seg oppatt i 1802 med Christiane Sophie Fasting von Krogh og fekk to døtrer og ein son med henne.[1]

Jens Zetlitz har i dag ei gate i Stavanger oppkalla etter seg. Popartisten Bertine Zetlitz er Zetlitz-familien sin mest kjende nolevande person.

Verk[endre | endre wikiteksten]

  • Poesier: første samling (1789)
  • Eegenæs: et Digt med Anmærkninger (1793)
  • Sange for den norske bondestand (1795)
  • Psalmer (1795)
  • En norsk Höst: et Digt (1800)
  • Johan Nordahl Brun, Biskop over Bergens Stift (1805)
  • Alkoran: d.e. Capitlernes Bog for 1806 (1806)
  • Sange for Den Norske Bondestand (1812)
  • Prædikener og Leilighedstaler (1822)
  • Egenæs: et digt med anmærkninger (1825)
  • 2den Deel (1825)
  • Jens Zetlitz's samlede Digte (1825)
  • 1ste deel (1825)
  • Sange for den norske Bondestand (1842)
  • Norske Almuesangeres Kløverblad: eller Bruns, Frimanns og Zetlit's Sange for den norske Bondestand. - Godtkjøbsudgave (1853)
  • Ny Vise om Jernbanemoroen ved Mjøndalen (1875)
  • Udvalg af Jens Zetlitz' Digte (1886)
  • Reyse fra Stavanger til Wigedahl i aare (1968)
  • Jens Zetlitz : et tohundreårsminne (1990)

Referansar[endre | endre wikiteksten]

  1. Oluf A. Løwold (1891). «Vigedal». Præstehistorier og Sagn fra Ryfylke. Stavanger: Dreyers Bogtrykkeri. s. 112. 

Bakgrunnsstoff[endre | endre wikiteksten]