Jigme Khesar Namgyel Wangchuck

Frå Wikipedia – det frie oppslagsverket
Hopp til navigering Hopp til søk
Jigme Khesar Namgyel Wangchuck
King Jigme Khesar Namgyel Wangchuck.jpg
Konge av Bhutan
Regjeringstid9. desember 2006–
Kroning6. november 2008
Fødd21. februar 1980
FødestadDechencholing Palace, Katmandu
FøregangarJigme Singye Wangchuck
Gift medJetsun Pema
DynastiListe over Bhutans konger
FarJigme Singye Wangchuck
MorAshi Tshering Yangdon Wangchuck
BornJigme Namgyel Wangchuck

Jigme Khesar Namgyal Wangchuck (fødd 21. februar 1980) er den femte Druk Gyalpo (Drakekongen) i Bhutan, etter at dagens statsskikken vart innført av tippoldefaren hans i 1907. Han overtok trona etter faren 15. desember 2006, to år tidlegare enn opphavleg varsla.[1][2] Ein kroningsseremoni fann stad 6. november 2008.

Namgyal er eldstesonen til Jigme Singye Wangchuck og kona Ashi Tshering Yangdon.[3] Han har to yngre heilsøsken, og fire halvsøstrer og tre halvbrør som er barn til dei tre andre konene til faren.[4]

Han har studert ved Cushing Academy og ved Wheaton College, i Massachusetts før han tok eksamen ved Magdalen College ved Oxford University. Han studerte ved the Foreign Service Program og har ein mastergrad i statsvitskap[5]. Som kronprins reiste han mykje i utlandet, og han deltok i arbeidet i fleire kulturelle, sosiale og økonomiske organisasjonar.

Faren Jigme Singye Wangchuck sa i desember 2005 at han ville abdisere i 2008, og overlate trona til kronprinsen. Han sa og at arbeidet med å føre over ansvar og oppgåver ville bli ein løpande prosess.[6] Eit år seinare kunngjorde kongen at han kom til å abdisera straks.

I mars 2008 gav kongen frå seg den absolutte makta si og Bhutan blei eit konstitusjonelt monarki. I 2011 gifta han seg med Jetsun Pema, og i 206 fekk dei ein son.[7]

Referansar[endre | endre wikiteksten]

  1. «Bhutan profile - Timeline». BBC News. 14. februar 20018. 
  2. «His Majesty Jigme Khesar Namgyel Wangchuck becomes the fifth Druk Gyalpo». Kuensel Online. 15. desember 2006. Arkivert frå originalen 2010-01-02. Henta 20. februar 2017. 
  3. WANGCHUCK DYNASTY. 100 Years of Enlightened Monarchy in Bhutan. Lham Dorji
  4. Lawson, Alistair (4. november 2008). «Profile: Jigme Khesar Namgyel Wangchuck». BBC News. 
  5. His Royal Highness Crown Prince Dasho Jigme Khesar Namgyal Wangchuck
  6. BBC, "Bhutan king announces abdication", 18. desember, 2005
  7. «Bhutan's Queen Jetsun Pema gives birth to crown prince». BBC News. 6. februar 2016. 

Bakgrunnsstoff[endre | endre wikiteksten]