* Seniorklubbkampar og mål berre telt for nasjonal liga
Jim Leighton, eigenleg James Leighton, (fødd 24. juli1958) er ein skotsk tidlegare fotballspelar frå Johnstone i Renfrewshire som vann cupvinnarcupen 1983 med Aberdeen FC og seinare var aktiv for mellom andre Manchester United. Han vakta Skottlands mål i 91 landskampar.
Leighton hadde kontrakt med Aberdeen FC frå 1977 til -88 og på ny 1997-2000. I 1980-åra var han sisteskanse på klubben sitt storlag som åra 1982-86 vann fire skotske cuppokalar, to seriemeisterskap og i Göteborg i 1983 slo Real Madrid i finalen i cupvinnarcupen med 2-1 etter ekstraomgangar. Sommaren 1988 vart han overført til Manchester United der han var med å vinne FA-cupen 1990, men vart vraka til finaleomkampen og sidan vart sitjande på reservebenken. 1991-93 gjorde han teneste i fyrst Reading FC og så Dundee FC, utan å kunne ta plass som fyrstemålvakt i klubbane. Fyrst etter han gjekk over til Hibernian FC i 1993 lukkast han å få sikker plass mellom målstengene. Han avslutta med spel for Aberdeen i tida 1997-2000.
