Jimmy Greaves

Frå Wikipedia – det frie oppslagsverket
Hopp til navigering Hopp til søk
Jimmy Greaves

Jimmy Greaves 2007.jpg

Statsborgarskap Storbritannia
Fødd 20. februar 1940
London
Idrett fotball
Yrke fotballspelar, sjølvbiograf, programleiar

Jimmy Greaves, fullt namn James Peter Greaves, (fødd 20. februar 1940) er ein engelsk tidlegare fotballspelar frå London som med sine 357 nettkjenningar har skåra flest mål i toppserien i engelsk fotball. Han er også tidenes toppskårar i Tottenham Hotspur med 266 mål. I seks sesongar vart han toppskårar i engelsk 1. divisjon.

Klubbspel[endre | endre wikiteksten]

Vinnarlaget til Tottenham i cupvinnarcupen 1963 med Greaves som nummer to frå høgre i fremre rekke

Greaves debuterte for Chelsea FC i august 1957. Over fire sesongar skåra han 124 ligamål før han i april 1961 vart overført til den italienske klubben AC Milan mot £80 000. Han treivst ikkje i Italia og returnerte til England og Tottenham Hotspur mot £99 999 allereie i desember same året. Med Tottenham vann han FA-cupen 1962, Cupvinnarcupen 1963 og FA-cupen 1967. Han skåra eitt mål i cupfinalen 1962 og to då Atlético Madrid tapte 1-5 i cupvinnarcupfinalen i Rotterdam. I mars 1970 gjekk han over til West Ham United då Tottenham samstundes syrgde for å få Martin Peters den motsette vegen. Våren 1971 la Greaves opp, allereie på veg inn i alkoholisme.

Landslagsspel[endre | endre wikiteksten]

Greaves skåra 44 landslagsmål på 57 kampar for England i tida 1959-67. Han deltok i VM i fotball 1962 og VM i fotball 1966. Under verdsmeisterskapen på heimebane i 1966 førte ein lettare skade til at Geoff Hurst med stor suksess tok over senterløpar-plassen og Greaves etter gruppespelet vart sitjande på reservebenken resten av meisterskapen. Straks føre VM-triumfen skåra Greaves fire mål i landskampen mot Noreg 29. juni på Ullevaal stadion i Oslo som enda med tap 1-6 for heimelaget.

Merittar[endre | endre wikiteksten]

  • Verdsmeister: 1966 for England
  • Vinnar av cupvinnarcupen: 1963 med Tottenham
  • Vinnar av FA-cupen: 1962 og 1967 med Tottenham

Kjelder[endre | endre wikiteksten]