Johan Ameln

Johan Gerhard Theodor Ameln (12. mars 1838–19. juni 1917) var ein norsk kjøpmann og Venstre-politikar frå Bergen. Henrik Ameln var brorson hans.

Far hans var kjøpmann i Bergen. Sjølv var han elev av Bergens handelsinstitutt 1861-63 og var deretter kjøpmann og skipsreiar i fødebyen. Han var medlem av formannskapet i Bergen 1881-88, ordførar 1886-87 . Ameln var med å stifte både Bergens Kreditbank, Bergens dampskipsassuranseforening og Selskabet for de norske Fiskeriers fremme.

Ameln var 2. representant på Stortinget for Bergen i perioden 1889-91. Han var sekretær i næringskomite nr. 1.

Kjelder

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Johan Ameln NSD Norsk senter for forskningsdatas politikararkiv