Johan Paulsen

Frå Wikipedia – det frie oppslagsverket
Hopp til navigering Hopp til søk
Johan Paulsen
Fødd29. juli 1864
Trondheim
Død9. juni 1947
Statsborgar avNoreg
PartiHøgre
Yrkepolitikar, redaktør

Johan Edvard Paulsen (29. juli 18649. juni 1947) var ein norsk redaktør og 1925-30 stortingsmann for partiet Høgre og Nordland fylke.

Paulsen var son til ein murar/steinarbeidar i Trondheim. Sjølv vart han utdanna typograf og arbeidde i Trondhjems Adresseavis frå 1882. I 1896 var han med på å etablere Lofotposten i Svolvær, der han var redaktør 1898–1935 og medeigar. Gjennom denne lange perioden arbeidde Paulsen avisa fram til å verte den største i Nord-Noreg.

Paulsen var medlem i Vågan heradsstyre frå 1901 til–17, den lengste tida som medlem i formannskapet og i 1916–17 varaordførar. Den 1. juli 1918 vart Svolvær skild ut og gjort til bykommune, med Paulsen som den fyrste ordføraren i kommunen til 1922. Han var i si tid formann i Vågan skulestyre og seinare forlikskommissær i Svolvær. Frå 1919 var han styreformann i Svolvær Sparebank. Paulsen elles formann i Nord-Norges Presseforening og i Nord-Norges Bladeierforening og dermed styremedlem i Norsk Bladeierforening.

Hausten 1924 vart Paulsen vald inn på Stortinget, attvald i 1927. På Tinget plasserte Høgre-leiinga han bolken 1925-27 i Vegkomiteen og der etter 1928-30 i Næringskomite nr 2.

Kjelder[endre | endre wikiteksten]