Johanne Mathilde Dietrichson

Johanne Mathilde Dietrichson
Statsborgarskap	Noreg
Fødd	12. juli 1837 Christiania
Død	28. november 1921 (84 år) Christiania
Yrke	kunstmålar
Sjanger	portrett
Far	Honoratus Bonnevie
Ektefelle	Lorentz Dietrichson
Born	Honoria Dietrichson
Johanne Mathilde Dietrichson på Commons

Johanne Mathilde Dietrichson (12. juli 1837–28. november 1921) var ein norsk målar som også laga keramikk og skulpturar.

Ho var fødd Johanne Dietrichson som dotter av Honoratus Bonnevie og syster av Jacob Aall Bonnevie. Som barn og ungdom budde ho dels i Trondheim og dels på Kongsberg. Seinare tok ho eit teiknekurs i Kristiania, og reiste så 1857 etter råd frå Adolph Tidemand til Düsseldorf for å utdanna seg vidare. Her arbeidde ho i Otto Mengelberg sitt atelier til 1861. Året etter gifta ho seg med kunsthistorikaren Lorentz Dietrichson og følgde han på reisene hans. Ho var busett i Roma eit par år til 1865, budde 1866–76 i Stockholm, der ho gjekk på Kunstakademiet, og var frå 1866 til 1876 busett i Kristiania. På dei mange reisene ekteparet gjorde, studerte Dietrichson blant anna hjå Defregger i München og hjå Chaplin i Paris. Av verka hennar kan ein nemna Dannet Tjenestepige (1872), Mesters Datter (1877), Røgende Gutter (1877) og fleire portrett av ektemannen. I 1870-åra og 1880-åra stilte ho ofte ut i Kunstforeningen og på Haustutstillingane i Kristiania.

Kjelder

• Denne artikkelen bygger på «Johanne Mathilde Dietrichson» frå Wikipedia på bokmål, den 31. mars 2019.
  • Wikipedia på bokmål oppgav desse kjeldene:  
• Salmonsens konversationsleksikon. Anden utgave.
• Norsk kunstnerleksikon, b. 1 : A-G, side 483-484, digital utgave