Johannes Johannesson Aga

Johannes Johannesson Aga
Statsborgarskap	Noreg
Fødd	25. mars 1814 Ullensvang kommune
Død	23. januar 1898 (83 år) Ullensvang kommune
Yrke	bonde, politikar
Språk	norsk
Far	Johannes Pedersen Aga

Johannes Johannesson Aga (25. mars 1814–23. januar 1898) var ein norsk gardbrukar, ordførar og stortingsmann frå Ullensvang i Hordaland. Johannes Pedersen Aga var far hans og Lars Johannesson Aga bror hans.

Aga tok over farsgarden i 1839 og dreiv denne. Frå 1840 var han medlem av heradsstyret i Ullensvang, ordførar 1844-71 og 1873-79. Han var forlikskommissær 1857-73, og medhjelpar åt presten i over 40 år. Styreformann i den lokale sparebanken.

Aga representerte Søndre Bergenhus amt på Stortinget frå 1857 til 1873. I 1857 var han medlem av protokollkomiteen og den utvida justiskomite nr 1, på omframstortinget 1858 av finanskomiteen og valkomiteen. Tingsamlingane 1859-60, 1862-63 og 1865-66 var han medlem av protokollkomiteen, 1868-69 og 1871-73 sekretær i same. På omframstortunget 1864 medlem av komiteen om avløninga av hæren. Både 1868-69 og 1871-73 var han medlem av valkomiteen, i 1869 også av røysterettskomiteen. Aga var medlem i Stortinget sine deputasjonar til kongekroninga i Trondheim 1860, og til 1000-årsminnet i Haugesund i 1872.

I 1877 vart han tildelt medalje «til belønning for det norske landbruk». Han døydde på slektsgarden i 1898.

Kjelder

• Lindstøl, Tallak: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Johannes Johannesson Aga NSD Norsk senter for forskningsdatas politikararkiv