Johannes Olsson Teigane
Johannes Olsson Teigane (1806–2. januar 1868) var ein gardbrukar og jekteskipper, busett på Teigane i Hareid.
Johannes var frå garden Kyrkjebø i dåverande Hareid sokn, no Sula kommune. Frå unge år dreiv han fiske og sjøfart. I 1838 dreiv han handel med Bergen, var då skipper på jekta «Haabet».
Han kjøpte garden Teigane på auksjon i 1844 for 814 spesiedalar. Auksjonarius spurde om han hadde pengar å betale med. «Eg sit på dei», svara Johannes. Han opna så kista han sat på og talde opp kjøpesummen. Året etter gifta han seg med Dorte Tygesdotter Ryssevoll (1801-1893) frå Borgund. Dei fekk eitt einaste barn. Sonen Ole slo seg med tida opp som næringsdrivar.
I 1850 kjøpte han eit av bruka i Kvia i Vartdal, og førte krøtera sine dit i sommarhamning.
Kjelder
[endre | endre wikiteksten]- Romsdals Amtstidende 7. juli 1838
- Romsdals Amtstidende 6 oktober 1838
- Bygdebok for Ulstein og Hareid V.
 |