Johannes Wiedewelt
| Johannes Wiedewelt | |
 | |
| Statsborgarskap | Kongeriket Danmark |
| Fødd | 1. juli 1731 København |
| Død |
17. desember 1802 (71 år) |
| Yrke | bilethoggar |
| Far | Just Wiedewelt |
| Johannes Wiedewelt på Commons | |
Johannes Wiedewelt (1. juli 1731–17. desember 1802) var ein dansk bilethoggar.[1]
Liv og virke
[endre | endre wikiteksten]Bakgrunn
[endre | endre wikiteksten]Johann Wiedewelt var fødd i København som son av bilethoggaren Just Wiedewelt. Han byrja i lære i verkstaden til faren då han var 14 år gammal.
I perioden 1750–54 var han i Paris og blei vidareutdanna hjå Guillaume Coustou d.y.[1]
Kunstnar
[endre | endre wikiteksten]Under ei reise til Italia kom han i kontakt med arkeologen Johann Joachim Winckelmann, som var den fremste representanten i si tid for nyhumanismen. Møtet med Winckelmann fekk store konsekvensar for kunsten til Wiedewelt. Han gjekk også i lære hjå hoffbilethoggaren Didrick Gercken.
Attende til Danmark
[endre | endre wikiteksten]I 1761 blei Wiedewelt utnemnd til professor ved Kunstakademiet, og var direktør der i lengre periodar i tida 1772–1795. Han fekk fleire oppgåver for kongehuset og utførte mellom anna sarkofagen til Kristian VI og gravmælet til Fredrik V , begge i Roskilde domkyrkje.
Han stod også for utsmykkinga av riddarsalen på Christiansborg slott; dette blei øydelagd under ein brann i 1794.
Saman med Nicolas-Henri Jardin stod han for utforminga av Fredensborg slottshage, mellom anna med verket Danmark og Norge. Han utforma også hagen ved Jægerspris slott med ein minnelund med 54 skulpturar.
Dei siste åra
[endre | endre wikiteksten]Johannes Wiedewelt hadde eit stort pengeforbruk, og då oppdraga svikta på slutten av livet, fekk han økonomiske problem. Bidraget hans til Frihetsstøtten i København var eit av dei siste store oppdraga hans, og han livnærte seg i det vesentlege av å utføra gravmæle. Mange av prosjekta hans kan ein sjåa på Assistens Kirkegård i København. Han utførte også Ludvig Holberg sin sarkofag i Sorø klosterkyrkje.
I desember 1802 blei Wiedeweldt funnen drukna i Sortedamssøen. Han er gravlagd på Assistens Kirkegård i København.
Galleri
[endre | endre wikiteksten]-
Mindesten over Hannibal Sehested. -
Sarkofagen til Frederik V i Roskilde domkyrkje. Stikk av J.F. Clemens frå 1783 etter Johannes Wiedewelt, som er framstilt i samtale med C.F. Harsdorff til venstre. -
Sarkofagen til Ludvig Holberg i Sorø klosterkyrkje -
Detalj frå minnestøtte over Luther, Bugenhagen og Ansgaris i Jægerspris -
Byste av Johan Frederik Classen ved Rigshospitalet
Kjelder
[endre | endre wikiteksten]- ↑ 1,0 1,1 «Johannes Wiedewelt» i Store norske leksikon, snl.no.
- Denne artikkelen bygger på «Johannes Wiedewelt» frå Wikipedia på dansk, den 26. mars 2025.