John William Edy

Frå Wikipedia – det frie oppslagsverket
Hopp til navigering Hopp til søk
John William Edy
Fødd 7. mai 1760
Danmark
Død

1820 (60 år)

Yrke kunstnar, gravør, kunstmålar
John William Edy på Commons
Ny-Hellesund frå Boydell's picturesque scenery of Norway med teikning av Edy

John William Edy (ca. 1760–ca.1820)[1] var ein engelsk kunstmålar og teiknar.

Han arbeidde for forleggjaren John Boydell i London, ofte anonymt.[2] Sumaren 1800 var Edy i Noreg på oppdrag for Boydell saman med landskapsmålaren William Fearnside. Dei var i Noreg frå 31. juli og til slutten av september same år.

Edy utførte fleire teikningar på reisa, blant anna frå Ny-Hellesund som var plassen reisekameratane kom til fyrst.[3] Han er også kjend for teikningane sine frå Oslo og Moss. I Moss måla han hovudbygninga på Moss Jernverk, Konvensjonsgården; måleriet heiter «Höyvelbårne B. Ankers Huus i Moss».[4] Eit handkolorert koparstikk i fargar finst på Stortinget.[5]

Boydells Picturesque Scenerey of Norway kom ut i London i 1820.[2] Historikaren Ole Andreas Øverland gav ut ei norsk utgåve kalla Det gamle Norge i billeder og tekst i 1910. Boka hadde undertittelen Planer til en «malerisk reise gjennom Norge» J. W. Edys tegninger fra aar 1800 og inneheld to plansjar i fargar og dei øvrige er i svart-kvitt.[2]

Referansar[endre | endre wikiteksten]

  1. John William Edy frå Prosjekt Runeberg
  2. 2,0 2,1 2,2 Forord fra Det gamle Norge i billeder og tekst frå Prosjekt Runeberg
  3. Jan G. Langfeldt: Kunstneres og forfatteres interesse for Ny-Hellesund
  4. Höyvel. B. Ankers Huus i Moss frå Digitalt Museum
  5. Hovedbygningen på Moss jernverk frå Stortinget

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedium som gjeld: John William Edy