Jon Eilert Bøgseth

Frå Wikipedia – det frie oppslagsverket
Hopp til navigering Hopp til søk
Jon Eilert Bøgseth
Fødd 22. februar 1959
Yrke skihoppar, kombinertløpar

Jon Eilert Bøgseth (fødd 22. februar 1959) er ein tidlegare skihoppar frå Namdalseid. Han oppnådde ein andreplass i eit verdscuprenn i 1981, same sesongen som han vann NM-sølv i normalbakkerennet. Bøgseth var medlem av Namdalseid Idrettslag.

Bøgseth debuterte i verdscupen i Oberstdorf 30. desember 1980, utan å utmerke seg. Først i sitt tredje verdscuprenn, i Ironwood i USA, kom han inn mellom dei ti beste, vart då nummer ni. Ei veke seinare kleiv han opp til sjetteplassen i Thunder Bay, før han i Chamonix vart nummer to og kom på pallen første gongen. Seinare i sesongen vart han nummer fire i Saint-Nizier og nummer ti i Planica. Samanlagt vart han nummer 15 i verdscupen 1981. Under noregsmeisterskapen på Eidsvoll vann han sølv i normalbakken, bak Ivar Mobekk.

1982-sesongen deltok han knappast i internasjonale tevlinger. I verdscupen 1983 kom han fire gongar inn mellom dei ti beste og vart nummer 19 samanlagt. Hans fremste prestasjon kom i Engelberg, der han vart nummer fire, landsmannen Per Bergerud vann rennet. Bøgseth var same året ein av nordmennene som deltok i verdsmeisterskapen i skiflyging i Planica, der han kom på 19. plass.

Besteplasseringar i internasjonale renn[endre | endre wikiteksten]

  • 1981: Nr 2 i Chamonix
  • 1982: Nr 5 i storbakken i Falun (ikkje verdscuprenn)
  • 1983: Nr 4 i Engelberg

Medaljar og besteplasseringar i noregsmeisterskap[endre | endre wikiteksten]

  • 1979: Nr 13 i normalbakken i Sprova
  • 1980: Nr 4 i normalbakken i Asker
  • 1981: Sølvmedalje i normalbakken på Eidsvoll
  • 1982: Nr 5 i storbakken på Rena
  • 1983: Nr 4 i storbakken på Lillehammer

Han la opp etter 1983-sesongen.

Kjelde[endre | endre wikiteksten]

  • Sportsboken, aktuelle årgangar