Jon Istad

Frå Wikipedia – det frie oppslagsverket
Hopp til navigering Hopp til søk
Jon Istad
Fødd 29. juli 1937
Voss
Død

17. mai 2012 (74 år)
Voss

Yrke skiskyttar

Jon Istad (29. juli 193717. mai 2012)[1] frå Voss var ein norsk skyttar og skiskyttar. Han vart skyttarkongeLandsskyttarstemnetKongsberg i 1959, og verdsmeister på 20 km under VM i skiskyting 1966 i Garmisch-Partenkirchen.

Skiskyting[endre | endre wikiteksten]

Istad vart beste norske deltakar både under VM i skiskyting 1962 og VM 1963, siste gongen på ein femteplass. I 1966 vart han i Garmisch-Partenkirchen verdsmeister på 20 km, med tida 1.38,21,8 var han knapt minuttet føre sølvmedaljevinnaren Joszef Sobczak frå Polen i mål. Begge trefte på 16 av 20 skot. På stafetten i same meisterskapen gjekk Istad tredjeetappen på det norske laget som VM-gull, dei andre på laget var Ivar Nordkil, Olav Jordet og ankermannen Ragnar Tveiten. Noreg vann VM-gullet på stafetten også året etter, i Altenberg i DDR. Ola Wærhaug gjekk startetappen, elles gjekk Jordet, Istad og Tveiten dei same etappane som året før. Istad vann bronsemedaljen på 20 km i Altenberg, ei tevling som gjekk under vanskelege tilhøve. Han fekk halvtanna minutt svakare sluttid enn verdsmeisteren Viktor Mamatov frå Sovjetunionen.

Både under vinter-OL 1968 i Grenoble og VM i skiskyting 1969 gjekk Istad på norske sølvlag i stafett. I dei olympiske leikane gjekk han sisteetappen, medan han i 1969 gjekk tredjeetappen. Også Magnar Solberg var på begge dei norske stafettlaga, medan Wærhaug og Jordet fekk OL-sølv og Tveiten og Esten Gjelten vann VM-sølv. Begge åra var det Sovjetunionen som vann gullmedaljane.

Istad la opp i 1969.

Medaljar og besteplasseringar i internasjonale meisterskap[endre | endre wikiteksten]

  • 1962: Nr 6 på 20 km under VM i Hämäänlinna
  • 1963: Nr 5 på 20 km under VM i Seefeld
  • 1964: Nr 11 på 20 km under vinter-OL i Innsbruck
  • 1966: Gullmedalje på 20 km og på 4 x 7,5 km stafett under VM i Garmisch-Partenkirchen
  • 1967: Bronsemedalje på 20 km, gullmedalje på 4 x 7,5 km stafett under VM i Altenberg
  • 1968: Nr 11 på 20 km, sølvmedalje på 4 x 7,5 km stafett under vinter-OL i Grenoble
  • 1969: Nr 9 på 20 km, sølvmedalje på 4 x 7,5 km stafett under VM i Zakopane

Notar[endre | endre wikiteksten]

  1. «Ein høvding er borte» i Hordaland 18. mai 2012. s.1

Kjelder[endre | endre wikiteksten]

  • Sportsboken, aktuelle årgangar