Jonsklosteret i Bergen
Jonsklosteret var eit augustinarkloster som låg i området ved Strandgata og Markeveien på sørsida av Vågen i Bergen.
Klosteret var vigd til Johannes Døypar. Det vart truleg grunnlagt ca. 1150, men er fyrste gong omtalt i 1208.[1] Ein veit at klostret var i økonomiske vanskar frå 1300-talet og utover, og på grunn av problem etter svartedauden var klosteret truleg ute av drift frå 1400-talet av. I 1450 vart klostergodset overteke av domkyrkja. Truleg brann klosteret ned ved bybrannen i 1489. Den tilhøyrande kyrkja vart tydelegvis ståande nokoleis uskadd, og ho må ha vore i bruk fram til 1552, då borgarane i byen fekk området for å byggja rådhus. Dette vart det ikkje noko av og restane av kyrkja vart ståande som ruin som endeleg vart fjerna på 1700-talet.[2]
I 1823 laga L.D. Klüver ei oversiktsskisse av dei få restane som var igjen. Kyrkja vart lokalisert ved graving i 1895, men det er få voner om at det mange leivningar igjen av klosteret.[3]
Kjelder[endre | endre wikiteksten]
- ↑ Baglersagaene, kap. 33
- ↑ Mæhlum, Lars. (2016, 4. juli). Jonsklosteret. I Store norske leksikon. Henta 18. september 2016 fra https://snl.no/Jonsklosteret.
- ↑ http://www.katolsk.no/praksis/klosterliv/artikler/kap_17
- Denne artikkelen bygger på «Jonsklosteret i Bergen» frå Wikipedia på bokmål, den 18. september 2016.
Bakgrunnsstoff[endre | endre wikiteksten]
- Jonsklosteret i Bergen hos Store norske leksikon
- Jonsklosteret i Bergen hos katolsk.no