Joralf Gjerstad

Frå Wikipedia – det frie oppslagsverket
Hopp til navigering Hopp til søk
Joralf Gjerstad
Joralf Gjerstad.jpg
Fødd 11. april 1926
Snåsa
Yrke politikar, sjølvbiograf, påstått synsk, healer, Klokkar

Joralf Gjerstad (fødd 11. april 1926) er ein healer som det vert hevda er synsk og har «varme hender». Gjerstad er frå Snåsa i Nord-Trøndelag. Han er kjend som «Snåsamannen», eller lokalt som «Snåsakaill’n».

Gjerstad vart fødd inn i enkle kår og fekk berre fem års skulegang. Han har sidan arbeidd i landbruket og 16 år som kyrkjetenar i Den norske kyrkja. Gjerstad fortel at han alt som barn skjønte at han hadde evner utanom det vanlege. Han påstår at evna til å vere synsk låg i slekta hans og denne evna til å sjå var sterk hjå han sjølv. I tillegg hevdar han å kunne kurere folk. Han fortel vidare at han lenge prøvde å skyve vekk evnene, som tidvis var tunge å leve med. Men som 21 år gammal soldat i Tysklandsbrigaden vart han spådd av ei eldre kvinne han tilfeldig møtte at han ville verte kjend over heile Noreg gjennom å hjelpe folk.[1] Sidan har han gratis behandla tusenvis av menneske gjennom femti år – og han skal ha lækt mange av dei med dei varme hendene sine og gjennom at han skal vere diagnostiserande synsk. [2]

Joralf Gjerstad fekk Kongens fortenestmedalje i sølv i 2001.[3] Hausten 2006 sende NRK ein eigenprodusent dokumentarfilm om han med tittelen Kjenner du varmen?.[4]

Verksemda til Gjerstad har vorte kritisert, mellom anna av legar. Medisinprofessor Tor K. Larsen meiner at Joralf Gjerstad «har lurt tusenvis av nordmenn trill rundt», sjølv om han «visstnok ikkje [har] skodd seg økonomisk på kvakksalveriet sitt». Larsen meiner også at «det at Snåsamannen ikkje vil la seg teste er truleg eit uttrykk for at han er klar over at han driv med humbug».[5]

Hausten 2008 gav Ingar Sletten Kolloen ut biografien Snåsamannen. Boka vart ein bestseljar etter få veker.[6]

Referansar[endre | endre wikiteksten]

  1. «De varme hendene» av Silje Kathrine Sviggum på Dagbladet.no (17.11.2008).
  2. Eit dokumentarprogram om han som vart sendt på NRK 09.10.2006, jf. «Snåsakaill’n får hundrevis av brev» av Torill Aamodt hjå NRK Trøndelag (12.10.2006).
  3. «Kongens heder for Joralfs varme hender» av Ole Bjørner Loe Welde på Dagbladet.no (23.01.2002).
  4. «Håndspåleggeren» på NRK.no (09.10.2006).
  5. «Snåsalureri» av Tor K. Larsen i Dagbladet (05.01.2009).
  6. «Spår han riktig salgstall også?» av Marie L. Kleve på Dagbladet.no (06.11.2008).

Bakgrunnsstoff[endre | endre wikiteksten]