Jordnøtt

Frå Wikipedia – det frie oppslagsverket
Hopp til navigering Hopp til søk
For matslaget som også blir kalla jordnøtt, sjå peanøtt.
Jordnøtt, jordnòt
Conopodium majus 03.jpg
Jordnøtt på Aukra i Møre og Romsdal
Vitskapleg namn
Conopodium majus
(Guoan) Loret
Utbreiing
Status i Noreg: LC Livskraftig
Utbreiing: Europa og Nord-Afrika
Systematikk
Rike: Plantae
Divisjon: Spermatophyta
Klasse: Magnoliopsida
Orden: Apiales
Familie: Apiaceae
Slekt: Conopodium
C. majus

Jordnøtt eller jordnòt (Conopodium majus) er ein art i skjermplantefamilien Apiaceae. Det er ei opptil 50 cm høg fleirårig urt, med etande jordknoll. Jordnøtt har findelte blad med linjeforma flikar og kvite blomar i skjerm. Ho blomstrar på føresommaren (juni). Frukta er glinsande svartbrun og 4 mm lang.

I Noreg veks jordnøtt på grasbakkar, beite, i skog og kratt i kyst- og fjordstrøk frå Telemark til Nord-Trøndelag, samt på eit par førekomstar i Nordland. Planta finst også på Færøyane, svært sjeldan i Sverige og i Danmark, elles i Vest-Europa.

Planta må ikkje forvekslast med peanøtt som også av og til blir kalla jordnøtt, og som høyrer til erteblomfamilien (Fabaceae).

Spire Denne biologiartikkelen er ei spire. Du kan hjelpe Nynorsk Wikipedia gjennom å utvide han.