Joseph Idlout
| Joseph Idlout | |
 | |
| Død | |
Joseph Idlout (1912/1913-2. juni 1968)[1][2] var ein inuittisk jeger og leiar som var avbilda på den kanadiske todollar-setelen.[3][4] Under programmet kjent som High Arctic relocation, som fann stad i 1959, hjelpte Idlout inuittfamiliar å tilpassa seg det ny bustadområdet sitt i Resolute i Nordvestterritoria (no Nunavut).
Idlout bad om å få flytta til Resolute i 1954 på grunn av mangel på rev i området rundt fødestaden sin Pond Inlet. Styresmaktene var opphavleg ikkje velvillige, men gav etterkvart etter, og Idlout flytta i 1955.[5]
Dokumentarar[endre | endre wikiteksten]
Idlout blei offentleg kjend gjennom dokumentarfilmen Land of the Long Day, som kom ut i 1952. På denne tida budde Idlout i Pond Inlet, og var kjend for dugleiken sin som jeger og som leirleiar. Merksemda kring filmen gjorde at han blei kalla den mest kjende inuitten i si tid.[6][7][8]
Han blei også skildra posthumt i dokumentaren Between Two Worlds frå 1990, regissert av Barry Greenwald og produsert av National Film Board of Canada (NFB) og Investigative Productions Inc. I den ein time lange filmen tek sonen til Idlout, Peter Paniloo, sjåaren på ei reise gjennom livet til faren. Filmen er teken med i NFB si samling av inuittfilmar Unikkausivut: Sharing Our Stories.[9] Between Two Worlds held fram forteljinga om livet til Idlout etter at Land of the Long Day blei laga og til han døydde i 1968, etter å ha køyrt ein snøskuter over ei klippe etter å ha drukke ved ein luftbase for Royal Canadian Air Force.[10]
Familie[endre | endre wikiteksten]
Idlout er bestefar til rockesongaren Lucie Idlout. Dotter hans, Leah Idlout, har sagt at far hennar var son av Joseph-Elzéar Bernier. Ein trur i så fall at han var den einaste sonen til Bernier.[11]
Kjelder[endre | endre wikiteksten]
- ↑ News, Nunatsiaq (7. april 2018). «Taissumani, April 7». Nunatsiaq News (på engelsk). Henta 11. mars 2021.
- ↑ «The Story Behind the Engraving». www.bankofcanadamuseum.ca (på engelsk). Henta 11. mars 2021.
- ↑ Inuit History
- ↑ «1969-1979 series, Scenes of Canada - $2». Bank of Canada. Arkivert frå originalen 11. juni 2011.
- ↑ Tammarniit (mistakes): Inuit relocation in the Eastern Arctic, 1939-63 by Frank J. Tester, Peter Keith Kulchyski
- ↑ Inuit History
- ↑ Contact with Europeans
- ↑ Land of the Long Day
- ↑ «Between Two Worlds». Collection. National Film Board of Canada. Henta 6 April 2012.
- ↑ Between Two Worlds A Film by Barry Greenwald Produced by Peter Raymont Arkivert 2011-10-05 ved Wayback Machine.
- ↑ Captain Bernier lives on, arkivert frå originalen 4. mars 2016, henta 20. november 2022
- Denne artikkelen bygger på «Joseph Idlout» frå Wikipedia på engelsk, den 20. november 2022.