Joshua Fit the Battle of Jericho

Frå Wikipedia – det frie oppslagsverket
Hopp til navigering Hopp til søk
Notar til «Joshua Fit the Battle of Jericho».

«Joshua Fit the Battle of Jericho» (òg kalla «Joshua Fought the Battle of Jericho» eller «Joshua Fit de Battle of Jericho») er ein kjend negro spiritual.[1]

Ein trur at songen vart skriven av slavar på første halvdel av 1800-talet. Somme referansar indikerer at Jay Roberts tok opphavsrett på songen i 1865.[2] Den første innspelinga vart gjort av Harrod's Jubilee Singers for Paramount Records No. 12116 i 1922 [3]. Seinare innspelingar vart gjort av Paul Robeson (1925), Mahalia Jackson (1958), Clara Ward og Hugh Laurie (2011) og mange flire.

Ralph Flanagan spelte inn ein alternativ versjon kalla «Joshua». Ralph Flanagan and His Orchestra spelte inn songen i New York City den 1. mars 1950.

Teksten handlar om Bibelsoga om slaget ved Jeriko, der Josva leia israelittane mot Kanaan (Josva 6:15-21).[1] Men som mange andre spirituals så kan teksten òg handle om å rømme frå slaveriet, som linja «And the walls came tumblin' down.»[4][5] Den livlege melodien og rytmen gav òg energi og inspirasjon.[6]

Versjonar[endre | endre wikiteksten]

Ein finsk versjon omsett av Bosse Österberg vart framført som «Kello yhdeksän» av Anki, Bosse & Robert i 1964. Ein tyskspråkleg versjon, framleis med tittelen «Joshua Fit The Battle Of Jericho» vart omsett av Irma Holder, Werner Dies, Howard Carpendale, Joachim Horn-Bernges og Dieter Weidenfeld og framført av Howard Carpendale mit dem Golden Gate Quartet i 1984. Ein nederlandsk versjon, med tittelen «Joshua (The Battle of Jericho)» vart omsett av Jean Kluger og Hannie Buenen og framført av Will Tura i 1999.

Kjelder[endre | endre wikiteksten]

Bakgrunnsstoff[endre | endre wikiteksten]