Hopp til innhald

Ju Wenjun

Frå Wikipedia – det frie oppslagsverket
Ju Wenjun

Statsborgarskap Folkerepublikken Kina
Fødd 31. januar 1991 (34 år)
Ju Wenjun på Commons

Ju Wenjun [a] (fødd 1991)[1] er ein kinesisk stormeister i sjakk. Ho har vore verdsmeister i sjakk for kvinner sidan 2018. I mars 2017 blei ho den femte kvinna som oppnådde ei rating på 2600.[2] Ho har vunne verdsmeisterskapen i sjakk for kvinner fire gongar; fyrste gongen i mai 2018 mot Tan Zhongyi. Ho forsvarte deretter tittelen sin i november 2018 mot Jekaterina Lagno, i 2020 mot Aleksandra Gorjatsjkina[3], og i 2023 mot Lei Tingjie.[4]

Karriere

[endre | endre wikiteksten]

Ju byrja å spele sjakk i ein alder av sju.[5]

I desember 2004 hamna Ju Wenjun på ein tredjeplass i asiameisterskapen i sjakk for kvinner i Beirut.[6] Dette kvalifiserte ho til å spele sin fyrste verdsmeisterskapen i sjakk for kvinner i 2006. Ho konkurrerte i dette arrangementet også i 2008, 2010, 2012, 2015 og 2017.

Ju vann den kinesiske sjakkmeisterskapen i sjakk for kvinner i 2010 og 2014.[7] I juli 2011 vann ho Women Grandmaster Chess Tournament i Hangzhou, utan å tape eit parti, med ein poengsum på 6½/9 poeng, føre den dåverande verdsmeisteren for kvinner Hou Yifan.[8] I oktober 2011 tok ho andreplassen under Naltsjik-turneringa i FIDE Grand Prix for kvinner 2011–12 med 7 av 11 poeng, 2,5 poeng bak vinnaren Zhao Xue. Prestasjonen var nok til å oppnå hennar tredje og siste stormeisternorm.[9] Men, ein av de tre normane mangla signaturen til dommaren, og tok dimed frå ho for moglegheita til tittelen.[10]

Frå 18. juni til 2. juli i 2014, i den 5. turneringa av FIDE Grand Prix for kvinner 2013–14 i Lopota Resort i Georgia, enda Ju på delt andreplass med Elina Danieljan og ein poengsum på 7 av 11 poeng. Dette blei også hennar fjerde stormeisternorm. I den 6. turneringa av FIDE Grand Prix for kvinner 2013–14 i Sharjah i Dei sameinte arabiske emirata enda ho på ein delt fyrsteplass saman med Hou Yifan, med ein poengsum på 8,5 av 11 poeng, men vann arrangementet takka være ein betre tiebreak-score.[11]

I november i 2014 tildelte FIDE Ju stormeistertittelen.[12] Med seks stormeister-normer, inkludert tre normer frå Women's Grand Prix (1 frå kvar serie), blei ho ein fullverdig stormeister, den 31. kinesiske stormeisteren, og den 31. kvinna med tittelen.

I desember i 2017 vann Ju verdsmeisterskapen i hurtigsjakk for kvinner i Riyadh, [13] og igjen når det blei arrangert i St. Petersburg i desember 2018.[14] Ho scora høvesvis 11,5 av 15 poeng[15] og 10 av 12 poeng.[16] Under VM i hurtig- og lynsjakk 2024 i New York kom ho på andreplass i hurtigsjakk, 0,5 poeng bak Humpy Koneru. Ju enda opp med 8 av 11 poeng, same poengsum som Jekateryna Lagno og Tan Zhongyi.[17]

Ju oppnådde den største sigeren i karrieren under den femte runden av Tata Steel Chess Tournament 2024, då ho slo Alireza Firouzja, den dåverande sjette høgaste rangerte i verda.[18]

Verdsmeisterskap

[endre | endre wikiteksten]

Ju vann FIDE Grand Prix for kvinner 2015–16.[19][20] Dette kvalifiserte ho til ein kamp om verdsmeisterskapen for kvinner mot den regjerande meisteren Tan Zhongyi. Ju vann kampen i mai i 2018, og blei med det verdsmeister for kvinner.

Den neste verdsmeisterskapen for kvinner blei avgjord i ei utslagsturnering med 64 spelarar. Ju vann turneringa og beheldt verdsmeistertittelen for kvinner.[21] Sidan den gongen har ho forsvart tittelen sin to gongar: fyrst mot Aleksandra Gorjatsjkina[22] under verdsmeisterskapen i sjakk for kvinner 2020 (6–6; 2,5–1,5 i tiebreak), og deretter mot Lei Tingjie i verdsmeisterskapen i sjakk for kvinner 2023 (6,5–5,5).

Lagspel

[endre | endre wikiteksten]

Ju har spelt for det kinesiske kvinnelandslaget sidan 2008. Laget hennar vann gullmedalje i sjakk-OL 2016, verdsmeisterskapen i lagsjakk for kvinner i 2009 og 2011, Asian Nations Chess Cup for kvinner i 2012, 2014 og 2016, gullmedalje i sjakk-OL 2018, og under Asialeikane 2010.

I 2013 vann Ju sølvmedaljen med klubben Shanghai i Asian Cities Chess Championship i Dubai.

Ju spelar for sjakklubben Shanghai i China Chess League.[23]

Privatliv

[endre | endre wikiteksten]

Ju blei uteksaminert frå Shanghai University of Finance and Economics i 2015.[24]

Merknadar

[endre | endre wikiteksten]
  1. ↑ hanzi: 居文君; pinyin: Jū Wénjūn

Kjelder

[endre | endre wikiteksten]
  1. ↑ title application. FIDE.
  2. ↑ «Goryachkina6th woman ever to cross 2600 | chess24.com». web.archive.org. 19. mai 2023. Arkivert frå originalen 19. mai 2023. Henta 24. mars 2024. 
  3. ↑ Ikkjeraud lenkje som bør gjerast om til vanleg lenkje.
  4. ↑ «FIDEadopts a new system for the Women's Candidates 2022-23». www.fide.com (på engelsk). Henta 24. mars 2024. 
  5. ↑ «JUWENJUN». Henta 1. mai 2023. 
  6. ↑ «The Week in Chess 529». theweekinchess.com. Henta 24. mars 2024. 
  7. ↑ Ramirez, Alejandro. «Yu Yangyi & Ju Wenjun Chinese Champs». ChessBase. Henta 16. desember 2016. 
  8. ↑ Liang, Ziming. «1st Hangzhou WGM Tournament – Ju Wenjun wins, Harika becomes GM». ChessBase. Henta 26. oktober 2015. 
  9. ↑ «TitleApplications – 4th quarter Presidential Board Meeting, 7–10 November 2014, Sochi, RUS». FIDE. Henta 16. desember 2016. 
  10. ↑ Niklesh Kumar Jain. «SharjahGrand Prix winner Ju Wenjun». ChessBase. Henta 16. desember 2016. 
  11. ↑ Niklesh Kumar Jain. «SharjahGrand Prix winner Ju Wenjun». ChessBase. Henta 16. desember 2016. 
  12. ↑ «InternationalChess Federation - FIDE». www.fide.com (på engelsk). Henta 24. mars 2024. 
  13. ↑ «Viswanathan Anand and Ju Wenjun are World Rapid Champions!». Henta 2. januar 2018. 
  14. ↑ ChessBase staff. «FIDEWorld Rapid Champions: Dubov and Ju». ChessBase. Henta 28. desember 2018. 
  15. ↑ «KingSalman World Rapid Championship 2017 Women». Henta 30. desember 2018. 
  16. ↑ «KingSalman World Rapid Championship 2018 Women». Henta 30. desember 2018. 
  17. ↑ «FIDE Women's World Rapid Chess Championship 2024 - All the Information». Chess.com (på engelsk). Henta 30. desember 2024. 
  18. ↑ «TataSteel Chess R5: Ju upsets Firouzja, Roebers stuns Niemann». Henta 19. januar 2024. 
  19. ↑ «Ju Wenjun is triumphant in Khanty-Mansiysk». FIDE. 
  20. ↑ Schulz, André. «Ju Wenjun wins Grand Prix series». ChessBase. Henta 16. desember 2016. 
  21. ↑ Houska, Jovanka. «Ju Wenjun Beats Lagno In Playoff, Wins Women's World Chess Championship». Chess.com. Henta 24. november 2018. 
  22. ↑ Ikkjeraud lenkje som bør gjerast om til vanleg lenkje.
  23. ↑ «雅戈尔杯中国国际象棋甲级联赛官方网站». Arkivert frå originalen 28. oktober 2011. Henta 28. oktober 2011. 
  24. ↑ «JUWENJUN». Henta 1. mai 2023. 
Henta frå «https://nn.wikipedia.org/w/index.php?title=Ju_Wenjun&oldid=3599965»