Juan Trippe

Frå Wikipedia – det frie oppslagsverket
Hopp til navigering Hopp til søk
Juan Trippe
Juan Trippe with Stratocruiser (cropped).jpg
Fødd 27. juni 1899
New Jersey
Død

3. april 1981
New York by

Yrke entreprenør
Juan Trippe på Commons

Juan Terry Trippe (27. juni 18993. april 1981) var ein amerikansk luftfartspioner og grunnleggjar av Pan Am, verdas mest prominente flyselskap på midten av 1900-talet.

Tidlege år[endre | endre wikiteksten]

Trippa vart fødd i New Jersey, [27. juni]] 1899, og på grunn av sit førenamn vart han ofte teke for å vera av cubansk opphav, men hans familie var av nordeuropeisk opphav som hadde slått seg ned i Maryland i 1664. Trippe vart uteksaminert frå highschool i 1917, og seinare Yale University i 1921.

Etter eksamen frå Yale, byrja Trippe å arbeida på Wall Street, men vart snart trøytt av dette. Han skaffa seg kapital ved å selja aksjeer til tidlegare klassekameratar frå Yale og i 1922 starta han eit nytt flyselskap som han kalla Long Island Airways. Selskapet fekk kort levetid, og nok ein gong tappa han sina rike vener frå Yale, og investerte i eit nytt selskap som fekk namnet Colonial Air Transport, dette selskapet fekk i oktober 1925 kontrakt på å fly luftpost. Han vart så interessert i å operera med flyvninger til Det karibiske hav og Trippe danna The Aviation Company of the Americas. med base i Florida. Dette selskapet ende opp i det som skulle føra til danninga av Pan Am.

Trippe og Pan Am[endre | endre wikiteksten]

Hovudartikkel: Pan American World Airways

Pan Ams fyrste flyvning tok av frå Key West, Florida 19. oktober 1927 til Havanna, Cuba med eit chartera Fairchild FC-2 sjøfly frå West Indian Aerial Express i Den dominikanske republikken. Returen frå Havanna til Key West, med Pan Am Fokker F.VII, den 29. oktober.

Seinare kjøpte Trippe China National Aviation Corporation (CNAC) for å kunne operera innanlandske flyruter i Kina, og seinare, på 1930-talet vart Pan Am partnar i Panagra. Pan Am vart det første flyselskapet som kunne tilby flyvninger over Stillehavet med dei berømete Clipper flybåtar

Trippe var styreformann for selskapet praktisk talt i heile tida frå det vart grunnlagt og fram til andre verdskrig. Pan Am heldt fram å ekspandera gjennom heile krigen som eit av dei få selskapa som i liten grad vart rørt av den.

Trippe er ansvarleg for mange nyvinningar innan luftfarten. Han var den som innførde økonomiklasse, og som gjorde flyreiser tilgjengeleg for alle. Han var òg den drivande krafta bak Pan Ams satsing innan hotellnæringa med danninga av hotellkjeden InterContinental .

Trippe innsåg snart dei høva som låg i dei nye jetflya og bestilte ei større mengd Boeing 707 og Douglas DC-8 fly. Pan Ams første flyvning med jetfly fann stad i oktober 1958 med ein 707 frå Idlewild International Airport (no JFK) til Paris. Med dei nye jetflya kunne Pan Am tilby lågare bilettpriser og fly fleire passasjerar. I 1965 ba Trippe sin ven Bill Allen om ikkje Boeing kunne byggja eit fly som var større enn 707. Resultatet vart Boeing 747, og Pan Am vart den første kunden.

Opphavleg meinte Trippe at 747 i hovudsak skulle brukast som fraktfly og at passasjerfly ville erstattast av dei raskare supsoniske fly som då var under utvikling. Med unntak av Concorde og Tupolev Tu-144 vart ikkje supersoniske fly nokon suksess. I 1965 fekk Trippe Tony Jannus Award for bidraga siene til internasjonal luftfart.

Trippe gav opp leiinga av selskapet i 1968, men heldt fram å delta på styremøta og han beholt eit kontor i bygningen til selskapet, etter at han trekte seg tilbake.

Død[endre | endre wikiteksten]

Trippe døydde 3. april 1981 i New York, og er gravlagd i Green-wood Cemetery i Brooklyn. I 1985 vart han post mortem tildelt Presidentens fridomsmedalje av president Ronald Reagan.

Kjelder[endre | endre wikiteksten]

Bakgrunnsstoff[endre | endre wikiteksten]