Her kommer Julius
| Her kommer Julius Song av Terje Formoe | ||
| Utgjeve | 19. mai 1983 | |
| Lengd | 2.42 | |
| Selskap | Terje Formoe Records | |
| Tekstforfattar | Terje Formoe | |
| Låtskrivar(ar) | Terje Formoe | |
|---|---|---|
«Her kommer Julius», også kjend som Juliussangen, er ein norsk barnesong skriven og komponert av Terje Formoe. Songen vart framført for første gong i Kristiansand Dyrepark den 19. mai 1983.[1]
Bakgrunn[endre | endre wikiteksten]
Formoe tok kontakt med dåverande direktør i Kristiansand Dyrepark, Edvard Moseid, om å lage ein kassett med tema rundt dyra i dyreparken. Dette fekk han avslag på, men Moseid sa at han kunne skrive ein song om sjimpansen Julius. I løpet av to timar laga Formoe ferdig både tekst og melodi, og innspelinga vart ferdig i akkurat tide til å kome i fjerde og siste episode av NRK-serien om Julius. Songen vart urframført av Formoe i Kjuttaviga amfiteater den 19. mai 1983.[1]
Songen om Julius vart ein slager, og gjekk sin sigersgang i radioprogrammet Norsktoppen på NRK Radio.[2] Seinare same året vart songen utgjeven på Formoe-albumet Livet er toppen!
Kjelder[endre | endre wikiteksten]
- ↑ 1,0 1,1 «Juliussangen». Kristiansand Dyrepark. Henta 1. juli 2020.
- ↑ «Julius-sangen er 30 år». NRK. 16. mai 2013. Henta 1. juli 2020.