Junior Eurovision Song Contest 2020

Frå Wikipedia – det frie oppslagsverket
Hopp til navigering Hopp til søk
Crystal Clear app kworldclock.png Framtidig hending: Denne artikkelen inneheld informasjon om ei framtidig hending. Han kan derfor bli endra når meir informasjon blir tilgjengeleg.
Junior Eurovision Song Contest 2020
Dato
Finalen 29. november 2020
Vertskap
Stad Hovudkvarteret til TVP
Warszawa, Polen[1]
Programleiar Ida Nowakowska-Herndon[2]
Rafał Brzozowski
Małgorzata Tomaszewska
Deltakarar
Deltakarland 12[3]
Debuterte Tyskland
Trekte seg Albania
Armenia
Australia
Irland
Italia
Nord-Makedonia
Portugal
Wales
Kart
Vinnar
Junior Eurovision Song Contest
Junior Eurovision Song Contest 2019 Wiki Eurovision Heart (Infobox).svg Junior Eurovision Song Contest 2021

Junior Eurovision Song Contest 2020 (JESC 2020) vil vere den 18. gongen Junior Eurovision Song Contest vert arrangert. Tevlinga vil verte halden i studio 5 i hovudkvarteret til Telewizja Polska (TVP) i Warszawa i Polen, etter at Viki Gabor vann tevlinga i 2019 med songen «Superhero».[1][4][5] Det var fyrste gongen at eit land har vunne tevlinga to år på rad. Dette vil òg vere den fyrste gongen at same land arrangerer Junior Eurovision Song Contest to år på rad. Finalen vert arrangert 29. november 2020.

Ida Nowakowska-Herndon, Rafał Brzozowski og Małgorzata Tomaszewska vil vere programleiarar for Junior Eurovision Song Contest 2020.[2]

Tolv land vil deltake i årets tevling.[3] Tyskland vil deltake for fyrste gong i Junior Eurovision Song Contest, medan Albania, Australia, Irland, Italia, Nord-Makedonia, Portugal og Wales har valt å ikkje deltake i år. Mykje av grunnen til at landa har valt å ikkje deltake i år, er den pågåande koronapandemien. Armenia skulle ha vore det trettande landet som deltek i tevlinga i år, men Armenia måtte trekkje seg frå tevlinga på grunn av den pågåande konflikten i Nagorno-Karabakh.[6]

Format[endre | endre wikiteksten]

Visuelt design[endre | endre wikiteksten]

Temaet og slagordet for Junior Eurovision Song Contest 2020, #MoveTheWorld!, vart avduka under eit intervju med vinnaren av Junior Eurovision Song Contest 2019 Viki Gabor under sendinga av Eurovision: Europe Shine a Light 16. mai 2020.[4]

«Det kreative konseptet bak slagordet er at vi som barn feilaktig meiner at alle viktige ting vert gjort av anerkjende menneske: forskarar, astronautar, idrettsutøvarar og skodespelarar. Vi vil bli som dei fordi, i våre auge, så er det dei som beveger verda. Men dette er ikkje tilfellet: kvar dag er det millionar av menneske verda over som utfører sine daglege oppgåver med evne og omsorg. Saman er det dei som virkeleg beveger verda. Med slagordet i år heidrar vi den kollektive krafta som vi held saman.»

Ny sjef for tevlinga[endre | endre wikiteksten]

I januar 2020 kunngjorde Den europeiske kringkastingsunionen (EBU) at svensken Martin Österdahl vil bli den nye «executive supervisor» for Eurovision Song Contest etter 2020-utgaven, og etterfylgjaren til Jon Ola Sand. Før utnemninga hadde Österdahl vore «executive producer» for Eurovision Song Contest i 2013 og 2016, og vore medlem av referansegruppa til Eurovision Song Contest i perioden 2012 til 2018.[7]

Framsyningar[endre | endre wikiteksten]

Dette vil dere fyrste gongen sidan den interne førehandskvalifiseringa som vart arrangert for Eurovision Song Contest i 1996 at tevlinga skal haldast eksternt, der artistane framfører sine bidrag i eit fjernsynsstudio i sine heimland. For å gje tevlinga kontinuitet og rettferd, forplikta dei 12 deltakande kringkastarane seg til å gje like vilkår til kvar av deltakarane, ved å bruke same scenedesign og dei same tekniske ressursane. Opningsnummeret, pausenummeret og røystegjevinga vil bli sendt direkte frå Warszawa.[8]

Malta, Polen, Serbia og Ukraina spela inn sine framsyningar i Warszawa. Dei andre deltakarlanda spela inn sine framsyningar i sine respektive heimland.[9]

Programleiarane[endre | endre wikiteksten]

7. oktober 2020, annonserte den polske kringkastaren Telewizja Polska (TVP) at Ida Nowakowska-Herndon, Rafał Brzozowski og Małgorzata Tomaszewska skal leie Junior Eurovision Song Contest 2020.[2] Nowakowska-Herndon er ei polsk-amerikansk dansar, skodespelar og TV-personlegdom, og var ei av tre programleiarar Junior Eurovision Song Contest i 2019. Ho vert dimed den tredje personen som har vore prograleiar for Junior Eurovision Song Contest to gongar, og den fyrste til å vere programleiar for tevlinga to år på rad. Brzozowski er ein polsk songar og programleiar. I 2017 deltok han i Krajowe Eliminacje med songen «Sky Over Europe» og enda på andreplass. Same år var han programleiar for den polske utveljinga for Junior Eurovision Song Contest 2017. Tomaszewska er utdanna psykolog, men starta si karriere innan TV som sportsanker. Ho jobbar no som programleiar for The Voice of Poland.[2]

Røystegjeving[endre | endre wikiteksten]

Det same røystesystemet som vart introdusert i 2017-utgåva, vil bli brukt i 2020, der resultatet vil bli bestemt av 50% juryrøyster og 50% sjåarrøyster på internett. Internettrøysting vil gå føre seg i to rundar. Fyrste runde med røysting på internett vil vare frå kl. 20:00 (CET) den 27. november 2020 til kl. 16:59 den 29. november 2020. Andre runde med røysting på internett vil finne stad under sendinga, og starter etter den siste framsyninga. Røystinga vil då vare i 15 minuttar. Sjåarar over heile verda kan røyste på tre av sine favorittbidrag. Sjåarane kan óg røyste på sitt eige heimland. Dei andre 50% av poenga vil bli bestemt av juryene frå dei deltakande landa.[10] For fyrste gong sidan 2013, vil poengopplesarane lese opp jurypoenga i frå sine respektive heimland, og ikkje frå arenaen finalen vert halden.[11]

Deltakande land[endre | endre wikiteksten]

Følgjande land skal deltake i Junior Eurovision Song Contest i 2020.

#[12] Land[3] Artist[13] Song Språk Plass Poeng
01 Tyskland Susan «Stronger With You» Tysk og engelsk
02 Kasakhstan Qaraqat Basjanova «Forever» Kasakhisk og engelsk
03 Nederland Unity «Best Friends» Nederlandsk og engelsk
04 Serbia Petar Aničić «Heartbeat» Serbisk og engelsk
05 Kviterussland Arina Pekhtereva «Prisjeltsy» Russisk og engelsk
06 Polen Ala Tracz «I'll Be Standing» Polsk og engelsk
07 Georgia Sandra Gadelia «You Are Not Alone» Georgisk og engelsk
08 Malta Chanel Monseigneur «Chasing Sunsets» Engelsk
09 Russland Sofija Feskova «Moj novyj den» Russisk og engelsk
10 Spania Soleá «Palante» Spansk
11 Ukraina Oleksandr Balabanov «Vidkryvaj» Ukrainsk og engelsk
12 Frankrike Valentina «J'imagine» Fransk

Sjå òg[endre | endre wikiteksten]

Referansar[endre | endre wikiteksten]

  1. 1,0 1,1 «We're going back to Poland!». Junioreurovision.tv. Henta 5. mars 2020. 
  2. 2,0 2,1 2,2 2,3 «Meet the presenters of Junior Eurovision 2020!». eurovision.tv (på engelsk). 7. oktober 2020. Henta 7. oktober 2020. 
  3. 3,0 3,1 3,2 «13 countries will ‘Move the World’ at Junior Eurovision 2020». Junioreurovision.tv. Henta 8. september 2020. 
  4. 4,0 4,1 «It's time to #MoveTheWorld!». Junioreurovision.tv. Henta 16. mai 2020. 
  5. «Junior Eurovision 2020 To Be Held At the TVP Headquarters». Eurovoix.com. Henta 8. oktober 2020. 
  6. «Armenia withdraws from Junior Eurovision 2020». Junioreurovision.tv. Henta 2020-11-085.  Sjekk datoverdiar i |besøksdato= (hjelp)
  7. «Martin Österdahl new Eurovision Song Contest Executive Supervisor». Eurovision.tv. 20. januar 2020. 
  8. «13 countries will ‘Move the World’ at Junior Eurovision 2020». eurovision.tv (på engelsk). 8. september 2020. Henta 8. september 2020. 
  9. «Junior Eurovision 2020 Rehearsal Diaries - Ukraine - Oleksandr Balabanov - Vidkryvai (Open Up)». Eurovoix (på engelsk). 23. november 2020. Henta 23. november 2020. 
  10. Granger, Anthony (16. oktober 2020). «Junior Eurovision’20: Voting To Be Tweaked With Discussions On Going Around Points Presentation». Eurovoix. Arkivert frå originalen 2020-10-16. 
  11. «Junior Eurovision'20: Performances to be Pre-Recorded». Eurovoix (på engelsk). 8. september 2020. Henta 8. september 2020. 
  12. «This is the running order for Junior Eurovision 2020». junioreurovision.tv (på engelsk). 23. november 2020. Henta 23. november 2020. 
  13. «Meet the Participants». eurovision.tv (på engelsk). 18. november 2020. Henta 18. november 2020. 

Eksterne lenkar[endre | endre wikiteksten]