Kaare Strøm (1915–1982)

Frå Wikipedia – det frie oppslagsverket
Kaare Strøm (1915–1982)


Statsborgarskap Noreg
Fødd 18. april 1915
Død

29. juni 1982 (67 år)

Idrett friidrett

Kaare Strøm (18. april 191529. juni 1982) var ein norsk friidrettsutøvar og apotekar. Han tevla både i tresteghopp og lengdehopp. Tre gongar gjekk han til topps i øvingar i noregsmeisterskap; to gull kom i tresteggropa og eitt i lengdegropa. Strøm var fødd i Stavanger og voks opp i Arendal, der han sidan var busett. Far hans var apotekar i byen, og Strøm tok i si tid over praksisen. Han var medlem av IK Grane.

Aktiv[endre | endre wikiteksten]

Strøm kom på sølvplass i tresteghopp både under NM 1934 og NM 1935, begge gongane vart Eugen Haugland noregsmeister. I 1938 vart Strøm noregsmeister i øvinga, ein prestasjon han gjentok året etter. Same året, i august 1939, sette han europarekord i trestehopp på Bislett stadion. Hoppet målte 15,49 meter, og var ein centimeter lengre enn finske Vilho Tuulos sin gamle rekord. Strøm hoppa heile 15,82 m i september 1939 i Göteborg, men vinden målte i kring 8 m/s og det vart såleis ikkje godkjent som rekord.

Strøms personlege rekord i lengdehopp på 7,46 m sette han på Bislett i september 1937. Han tok sølvmedaljen i lengdehopp under NM 1938, bak Nils Uhlin Hansen. Under NM 1939 gjekk han til topps både i tresteg og i lengde, i lengdehopptevlinga vann han gull framom Hansen og Haugland.

Også etter andre verdskrigen deltok Strøm i friidrettstevlingar. Han kom på bronseplass i tresteg i NM 1947, og erobra sølvet i same øvinga i NM 1949, bak Rune Nilsen.

Strøms 15,49 m var norsk rekord i tresteghopp til Odd Bergh hoppa 15,63 m i 1962.

Kjelder[endre | endre wikiteksten]