Kafr Zita
| Kafr Zita | |||
| كفر زيتا, Kafr Zayta | |||
| by | |||
 | |||
| Land |  Syria
| ||
|---|---|---|---|
| Guvernement | Hama | ||
| Distrikt | Mhardeh | ||
| Nahiyah | Kafr Zita | ||
| Koordinatar | 35°22′25″N 36°36′6″E / 35.37361°N 36.60167°E | ||
| Folketal | 17 052 (2004) | ||
| Tidssone | EET (UTC+2) | ||
 Kafr Zita 35°22′25″N 36°36′06″E / 35.37361111°N 36.60166667°E | |||
  | |||
| Wikimedia Commons: Kafr Zita | |||
Kafr Zita (arabisk كفر زيتا, òg skrive Kafr Zayta) er ein by nord i Syria i Hama guvernement, 30 kilometer nord for Hama. Av stader i nærleiken finn ein Kafr Nabudah og al-Habit i nordvest, Khan Shaykhun i nordaust, Mork i aust, Suran i søraust, al-Lataminah, Halfaya og Mhardeh i sør, Tremseh i sørvest og Kirnaz og Hayalin. I følgje Syrisk statistisk sentralbyrå, hadde Kafr Zita eit folketal på 17 052 i 2004. Han er òg senter for eit nahiyah («underdistrikt»), ein del av Mhardeh-distriktet, som består av sju stader med eit samla folketal på 39 032 i 2004.[1]
Historie[endre | endre wikiteksten]
Ruinane av ei kyrkje frå bysantinsk tid på 400-talet ligg i Kafr Zita.[2]
Seint i osmansk tid på 1700- og 1800-talet, var Kafr Zita ein av dei største landsbyane i området nord for Orontes og innbyggjarane var ofte på etterskot for skattebetaling og måtte få økonomisk støtte.[3]
I perioden under det franske mandatet i Syria vart Kafr Zita, som mange andre stader i nærleiken, organisert som ei kollektiv jordbruksbygd.[4] I 1975 vart nahiyah Kafr Zita og Mhardeh slått saman for å dannemantiqah («distriktet») Mhardeh, med sistnemnde som adminstrativt senter.[5]
Den 16. desember 2012, under det syriske opprøret mot styret til Bashar al-Assad som byrja tidleg i 2011, bomba regjeringsstyrkane, som kjempa mot opprørarane, Kafr Zita, og tre barn omkom i følgje Syrisk observatorium for menneskerettar (SOHR).[6] Den 20. desember hevda opprørarne å ha erobra Kafr Zita og ei rekkje andre byar i nærleiken under ein offensiv mot regjeringsstyrkane i nærleiken av Hama.[7]
Kjelder[endre | endre wikiteksten]
- Denne artikkelen bygger på «Kafr Zita» frå Wikipedia på engelsk, den 22. mai 2014.
- Wikipedia på engelsk oppgav desse kjeldene:
- Comité de l'Asie française (1933). L'Asie française (på fransk). 33-34. Comité de l'Asie française.
- Nelles Guide (1999). Syria and Lebanon. Hunter Publishing, Inc. ISBN 3886181057.
- Phillip, Thomas (1992). The Syrian Land in the 18th and 19th Century: The Common and the Specific in the Historical Experience. F. Steiner. ISBN 3515056858.
- Centre d'études et de recherches URBAMA (France) (1986). Petites villes et villes moyennes dans le monde arabe (på fransk) 2. Université de Tours.
- ↑ Folketeljing 2004 Arkivert 2013-01-12 ved Archive.is. Syrisk statistisk sentralbyrå (CBS). Hama guvernement. (arabisk)
- ↑ Bulletin de la Société historique et archéologique de l'Orne. 63-71. (1945). s. 73. (fransk)
- ↑ Phillip, 1992, s. 274.
- ↑ Comité de l'Asie française, 1933, s. 132.
- ↑ Centre d'études et de recherches URBAMA (France), 1986, s. 463.
- ↑ Camp residents flee Syria warplanes: NGO. Agence France Presse. 2012-12-17.
- ↑ UN sees no prospect of end to Syria violence. Al-Jazeera English. 2012-12-20.