Kainji

Koordinatar: 10°24′N 4°33′E / 10.400°N 4.550°E / 10.400; 4.550
Frå Wikipedia – det frie oppslagsverket
Kainji
innsjø
Land  Nigeria
Område Vest-Nigeria
Innsjøtype Reservoar
Tilsig Nigerelva
Utløp Nigerelva
Areal ~1 243 km²
Største djupn 12,1 m
Volum 15 km³
Koordinatar 10°24′N 4°33′E / 10.400°N 4.550°E / 10.400; 4.550
Kart
Kainji
10°24′22″N 4°33′52″E / 10.406111111111°N 4.5644444444444°E / 10.406111111111; 4.5644444444444
Wikimedia Commons: Kainji Lake

Kainji er ein innsjø og eit reservoar i Nigerelva i Nigeria. Han stod ferdig i 1968 og er ein del av delstatane Niger og Kebbi. Kainji Lake National Park (KNLP), som ligg rundt innsjøen, vart etablert i 1976 og er den eldste nasjonalparken i Nigeria.

Innsjøen og demninga ligg i sør i delstaten Niger, og lagar straum til dei fleste byane i Nigeria. Demninga vart bygd frå 1964 til 1968 og kosta om lag 209 millionar dollar, der fjerdedelen vart brukt til migrasjon av dei som budde i området. Saman med ei mindre demning for ei mindre elv, er ho 10 km lang og 65 m høg på midten. Dette dannar eit reservoar med eit areal på 1300 km² og volum på 150 mrd. m³. Ho har kapasitet til 12 turbinar, noko som i alt ville ha produsert 960 MW i året, men berre 8 vart installerte, slik at ho berre produserer 760 MW i året, men er likevel den største vasskraftstasjonen i Nigeria. Delar av produksjonen vert seld til nabolandet Niger.

Nasjonalpark[endre | endre wikiteksten]

Kainji Lake National Park (KNLP), med hovudkvarter i Wawa, ligg 560 km nord for Lagos, nær grensa til Benin. Det omfattar to område: Borgu og Zugurma, som er skilde av Kainji. Berre Borgu-delen (den vestlege) vert i dag brukt til turisme. Zugurma, som er den austlege delen, manglar infrastruktur som til dømes vegar. I parken finn ein små dalføre, og høgda går generelt nedover mot aust. Borgu-delen vert hovudsakleg drenert av elvane Oli, Timo og Doro og sideelvane deira, medan Zugurma-delen vert drenert av elvane Maingyara og Nuwa Tizururu. Vegetasjonen i parken er prega av skogsavanne, sjølv om det i nokre område er tørrare. Ved elvebankane finn ein flaummark.

Naturvern[endre | endre wikiteksten]

Sjølv om området rundt parken er relativt lite folkesett, vert parken påverka av menneskeleg aktivitet, som avskoging, ukontrollerte brannar og ulovleg beitebruk, som er spesielt utbreidd i Zugurma-området. Det er relativt få ville pattedyr grunna tjuvjakt. Fisket i Kainji har hatt stor nedgang grunna industrialisering. Det har vore føreslått at ein periode med stenging og kontrollerte fiskerettar kan vere ei løysing for å få opp att bestanden. Kainji vert elles brukt til irrigasjon.

Kjelder[endre | endre wikiteksten]