Kaktuskorgfugl
| Kaktuskorgfugl | |
.jpg) Kaktuskorgfugl | |
| Utbreiing og status | |
Status i verda:  Livskraftig Utbreiinga av Kaktuskorgfugl | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Familie: | Omnfuglar Furnariidae |
| Slekt: | Pseudasthenes |
| Art: | Kaktuskorgfugl P. cactorum |
| Vitskapleg namn | |
| Pseudasthenes cactorum | |
Kaktuskorgfugl (Pseudasthenes cactorum) er ein fugleart i omnfuglfamilien Furnariidae. Han er endemisk til Peru.
Skildring
[endre | endre wikiteksten]Kaktuskorgfuglen er mellom 13 og 14 cm lang og veg mellom 16 og 19 gram. Begge kjønn har lik fjørdrakt. Vaksne fuglar har ei bleik gulbrun augebrynstripe (supercilium), mørkebrune tyglar (området mellom nebb og auge) og ei mørk stripe bak auget. Øyredekkfjørene er matte gulbrune. Krona og ryggen er jamt einsfarga brun. Vengdekkfjørene er for det meste matt raudbrune, medan flygefjørene er mørkebrune med eit raudbrunt felt som dannar vengband når vengene er lukka. Halen er relativt lang og har ulike bruntonar, med gulbrune og raudbrune kantar. Dei ytste to fjørpara er nesten heilt raudbrune. Strupen er bleikt oransje-brunleg, medan brystet og resten av undersida er bleikt gulbrune. Auga er brune, nebbet er svart til grått med ein mørkare tupp, og beina og føtene er gråbrune til svarte.[1]
Utbreiing og habitat
[endre | endre wikiteksten]Kaktuskorgfuglen finst på dei vestlege skråningar av Andesfjella i Peru, frå regionen La Libertad og sørover til regionane Lima og Arequipa. Han lever i tørre fjellskrentar med spreidde buskar og kaktusar. Arten er funnen i høgder frå 50 til 2500 meter over havnivå.[1]
Åtferd
[endre | endre wikiteksten]Kaktuskorgfuglen er ein standfugl. Han blir vanlegvis sett åleine eller i par og blir trudd å plukke leddyr frå bakken, frå kaktusar og kanskje i låg vegetasjon. Songen til kaktuskorgfuglen er ei «svak, tørr trille som varer i opptil 6 sekund», og ropet er gjentatte «lågtona, raske, tørre triller».[1]
Verdas naturvernunion, IUCN, kategoriserer arten som livskraftig, LC.[2]
Kjelder
[endre | endre wikiteksten]- Denne artikkelen bygger på «Cactus canastero» frå Wikipedia på engelsk, den 13. januar 2025
- Referansar
- 1 2 3 Remsen, Jr., J. V. and E. de Juana (2020). Cactus Canastero (Pseudasthenes cactorum), version 1.0. I Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, NY, USA. https://doi.org/10.2173/bow.caccan1.01 Henta 13. januar 2025
- ↑ BirdLife International (2016). «Cactus Canastero Pseudasthenes cactorum». IUCN Red List of Threatened Species 2016: e.T22702503A93878291. doi:10.2305/IUCN.UK.2016-3.RLTS.T22702503A93878291.en. Henta 17 November 2023.
Bakgrunnsstoff
[endre | endre wikiteksten]
- (no) Kaktuskorgfugl hos Artsdatabanken
- (en) Kaktuskorgfugl i Global Biodiversity Information Facility
- (en) Kaktuskorgfugl hos NCBI
- (en) Kategori:Pseudasthenes cactorum – bilete, video eller lyd på Wikimedia Commons
- Pseudasthenes cactorum – detaljert informasjon på Wikispecies
