Qalandiya

Frå Wikipedia – det frie oppslagsverket
(Omdirigert frå Kalandia)
Kalandia
قلنديا, Qalandiya
kommune
Kalandia flyktningleir
Namneopphav: Kulundia, førenamn[1]
Land  Dei palestinske territoria
Guvernement Jerusalem guvernement
Koordinatar 31°51′47″N 35°12′27″E / 31.86306°N 35.20750°E / 31.86306; 35.20750
Areal 3,3 km²
Folketal 25 595  (2006)
Folketettleik 7 756 / km²
Kart
Qalandiya
31°51′47″N 35°12′27″E / 31.863055555556°N 35.2075°E / 31.863055555556; 35.2075
Wikimedia Commons: Qalandia

Kalandia (arabisk قلنديا, hebraisk skrift קלנדיה), òg Qalandiya, er ein palestinsk landsby på Vestbreidda, mellom Jerusalem og Ramallah, like vest for Jerusalem kommune. I 2006 budde det 1 154 innbyggjarar i landsbyen, i følgje Palestinsk statistisk sentralbyrå.[2] Kalandia er òg namnet på ein flyktningleir, oppretta av UNWRA i 1949. Han ligg like aust for Jerusalem kommune. Kalandia flyktningleir vart bygd for palestinske flyktningar frå Lydda, Ramle og Jerusalem etter den palestinske utflyttinga i 1948.[3]

Historie[endre | endre wikiteksten]

Det er funne fleire oldtidsgraver i Kalandia.[4] Ein har òg grave ut eit bysantinsk bad og ein har funne keramikk frå den same perioden.[5]

Under krossfarane var Kalandia ein av 21 landsbyar gjeven av kong Godfrey som eit len til prestane i Den heilage grav-kyrkja.[4][6][7][8]

Kalandia vart, som resten av Palestina, ein del av Det osmanske riket i 1517, og i osmanske skattelister frå 1596, var landsbyen, då kalla Qalandiya, ein del av Al-Quds nahiya i Al-Quds liwa. Landsbyen eit folketal på 15 hushaldningar, alle muslimar, og betalte skatt for kveite, bygg, oliven, tilfeldige inntekter, bikubar og/eller geiter.[9]

I 1863 vitja den franske oppdagaren Victor Guérin landsbyen, som han skildra som ei lita grend med nokre få hus med fikenplantasjar rundt.[10]

I 1883 skildra Palestine Exploration Fund i Survey of Western Palestine landsbyen som ein «liten landsby på ei høgd, omgjeve av oliven, med steinbrot i vest.»[11]

Det britiske mandatet[endre | endre wikiteksten]

I folketeljinga i 1922 hadde Qalandieh (Qalandia) eit folketal på 144, 122 muslimar og 22 jødar.[12] Dette hadde auka i folketeljinga i 1931 då Qalandiya hadde ein heilmuslimsk folkesetnad på 120, i 25 hus.[13]

I 1945 var folketalet i Kalandia på 190 arabarar, og landområdet var 3 940 mål.[14] 427 mål var for plantasjar og irrigert land, 2 202 for korn,[15] medan seks mål var utbygde område.[16]

Kalandia lufthamn[endre | endre wikiteksten]

Fram til 1930 var Kalandia den einaste flyplassen i Palestinamandatet, sjølv om det var fleire militære flystriper. Kalandia vart nytta av viktige gjester som kom til Jerusalem.[17] Han opna for faste flyruter i 1936.[18] Etter seksdagarskrigen fekk han namnet Atarot lufthamn av Israel, men vart nedlagt som følgje av Israel–Palestina-konflikten.[19]

Kjelder[endre | endre wikiteksten]

  1. ↑ Palmer, 1881, s. 321
  2. ↑ Projected Mid -Year Population for Jerusalem guvernement by Locality 2004- 2006 Arkivert 2012-02-07 ved Wayback Machine. Palestinsk statistisk sentralbyrå.
  3. ↑ Kalandia Refugee Camp
  4. ↑ 4,0 4,1 Conder og Kitchener, 1883, s. 11
  5. ↑ Dauphin, 1998, s. 844
  6. ↑ de Roziére, 1849, s. 30: Calandria, s.263: Kalendrie, sitert i Röhricht, 1893, RRH, s. 16-17, No 74
  7. ↑ Röhricht, 1904, RHH Ad, s. 5, No. 74
  8. ↑ Rey, 1883, s. 387
  9. ↑ Hütteroth and Abdulfattah, 1977, s. 116
  10. ↑ Guérin, 1868, s. 393, Guérin, 1869, s. 6
  11. ↑ Conder og Kitchener, 1883, s. 10-11
  12. ↑ Barron, 1923, Table V||, Subdistrict of Jerusalem, s. 15
  13. ↑ Mills, 1932, s. 42
  14. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 58
  15. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 103
  16. ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 153
  17. ↑ An Empire in the Holy Land: Historical Geography of the British Administration of Palestina, 1917-1929 Gideon Biger, St. Martin's Press and Magnes Press, New York & Jerusalem, 1994, s. 152
  18. ↑ Atarot and the Fate of the Jerusalem Airport
  19. ↑ Larry Derfner (23. januar 2001). «An Intifada Casualty Named Atarot». The Jewish Journal of Greater Los Angeles. Arkivert frå originalen 6. april 2020. Henta 5. september 2015. 

Bakgrunnsstoff[endre | endre wikiteksten]

Henta frå «https://nn.wikipedia.org/w/index.php?title=Qalandiya&oldid=3482102»