Kalksilikatbergart
Ein kalksilikatbergart er ein bergart som består av minst halvparten av éit eller fleire av dei følgjande kalsiumrike minerala: bytownitt/anortitt, kalsiumrik skapolitt, diopsid-hedenbergitt, kalsiumrik granat som andraditt og grossular), mineral frå epidotgruppa, johannsenitt, prehnitt, titanitt, tremolitt, vesuvian og wollastonitt, men mindre enn 5 % karbonatmineral.
Desse bergartane oppstår ved metamorfose av ureine kalksteinar og er gjerne skiferaktige eller gneisaktige banda når dei opptrer i lag med glimmerskifer, marmor og amfibolitt i felt.
I Noreg er kalksilikatbergartar kjend frå Kristiansand, Arendal, Møre og Romsdal, Nordland og Troms. I Oslofeltet finst kalksilikatbergartar i kontaktsonen mellom ureine kalksteinar og intrusive djupbergartar.
Kjelder[endre | endre wikiteksten]
- Bryhni, Inge. (14. februar 2009). Kalksilikatbergarter. I Store norske leksikon. Henta 1. desember 2013 frå http://snl.no/kalksilikatbergarter.