Hopp til innhald

Kamerunfjellet

Frå Wikipedia – det frie oppslagsverket
Kamerunfjellet
fjell
Land  Kamerun
Kart
Kamerunfjellet
4°13′00″N 9°10′21″E / 4.2166666666667°N 9.1725°E / 4.2166666666667; 9.1725
Wikimedia Commons: Mount Cameroon

Kamerunfjellet er eit fjell som er ein av dei største og mest aktive vulkanane i Afrika. Det er det høgaste fjellet i Kamerun, og ligg i nærleiken av kysten inst i Guineabukta. Det høgaste punktet blir kalla Fako. Fjellet ligg på Kamerunlinja, ei lang kjede av vulkanske fjell som strekker seg ut i Guineabukta og omfattar fleire øyar der, som São Tomé og Príncipe. På den sørlege hellinga av fjellet, mot kysten, er tvillingtoppen Etinde, som også er kjend som Vesle Kamerun.

I det 5. hundreåret f.Kr. observerte den kartagiske navigatøren Hanno eit vulkanutbrot her. Fjellet hadde utbrot seks gongar på 1900-talet. I 1922 nådde ein lavastraum heilt til Guineabukta, og i 1999 stoppa ein straum berre 200 meter frå kysten. Nylege utbrot var i 1999, 2000 og 2012.

Kvart år held ein løpet Mount Cameroon Race of Hope til toppen av fjellet. Dei beste når toppen på 4 timar og 45 minutt. Turistar som vil klatra til toppen, må ha med ein guide.[1]

Kjelder[endre | endre wikiteksten]

  1. «Cameroon Consulate - Mount Cameroon». Arkivert frå originalen 1. mars 2016. Henta 3. mai 2016.