Kantonen Fribourg

Fribourg
Freiburg, Friburgo, Friburg
kanton
Symbol
Forkorting: FR
Land	Sveits
Hovudstad	Fribourg
Høgaste punkt	Vanil Noir
•  høgd	2 389 moh.
Areal	1 671,36 km²
Folketal	341 537 (1. januar 2024)
Kanton sidan	1481
Kantonen Fribourg 46.716666666667°N 7.0833333333333°E / 46.716666666667; 7.0833333333333
Kart som viser Kantonen Fribourg. Kart som viser Kantonen Fribourg.
Wikimedia Commons: Canton of Fribourg

Fribourg er ein kanton i det vestlege Sveits, på søraustsida av Neuchâtelsjøen. Kantonen har eit areal på 1 671 km2, og hadde om lag 320 000 innbyggarar i 2018. Byen Fribourg er hovudstad i kantonen.

Geografi

Høgste fjella i Fribourg; Dent de Brenleire til høgre, med Vanil Noir bakom.

Kart over distrikta i Fribourg.

Fribourg grensar til kantonane Bern i nord og aust, og Vaud i sør og vest. På motsett side av Neuchâtelsjøen ligg kantonen Neuchâtel. Fribourg har tre eksklavar i Vaud og ein i Bern, medan Bern har to enklavar i Fribourg.

Landskapet er ganske flatt i den vestlege delen av kantonen, medan det i aust stig opp og inn i Bern-Alpane. Neuchâtelsjøen på 429 moh. er det lågastliggande punktet i kantonen, medan den 2 389 meter høge fjelltoppen Vanil Noir på grensa mot Vaud er det høgste punktet. Elva Saane renn frå sør til nord gjennom kantonen, ho samlar opp i seg størstedelen av nedbøren i kantonen. I nordvest grensar Moratsjøen opp mot kantonen.

Språk og samfunn

16,7 % av innbyggarane er utanlandske statsborgarar. Fransk er det mest utbreidde talemålet i Fribourg, om lag to av tre er fransktalande. Resten talar ulike alemanniske dialektar. I kring 70 % av folket soknar til den romersk-katolske kyrkja, og ei 15 % er protestantar.

Distrikt og kommunar

Fribourg består av 168 kommunar som er samanslutta i sju distrikt. Dei sju distrikta er; Broye, Glâne, Gruyère, Sarine, Lac, Sense og Veveyse.

Dei største byane er kantonshovudstaden Fribourg og Bulle.

Historie

Kantonen Fribourg slutta seg til den sveitsiske konføderasjonen i 1481. Området består av land som hovudstaden Fribourg har skaffa seg. Dagens storleik/flatevidd vart nådd i 1803 då kommunen Murten vart lagt til kantonen, mot viljen til dei fleste innbyggarane på staden.

Kantonen Fribourg slutta seg i 1846 til separatististrørsla av katolske kantonar, det såkalla Sonderbund. Etter den sveitsiske borgarkrigen i 1847, overgav Fribourg sine troppar seg til den føderale hæren.

Kjelder

• Denne artikkelen bygger på «Canton of Fribourg» frå Wikipedia på engelsk, den 26. august 2011.

Bakgrunnsstoff

Commons har multimedium som gjeld: Kantonen Fribourg

• Offisiell nettstad