Ørkengaupe
| Ørkengaupe | |
 Ørkengaupe | |
| Utbreiing og status | |
Status i verda:  Livskraftig Utbreiinga av ørkengaupe | |
| Systematikk | |
| Underrekkje: | Virveldyr Vertebrata |
| Klasse: | Pattedyr Mammalia |
| Orden: | Rovpattedyr Carnivora |
| Underorden: | Feliformia |
| Familie: | Kattefamilien Felidae |
| Underfamilie: | Felinae |
| Slekt: | Caracal |
| Art: | Ørkengaupe C. caracal |
| Vitskapleg namn | |
| Caracal caracal | |
Ørkengaupe eller karakal (Caracal caracal) er eit mellomstort kattedyr i Caracal-slekta. Ho er nært i slekt med afrikagullkatt og serval. Karakalen lever i turt og halvturt klima på stepper og i ørken i store delar av Afrika, Midtausten og vestlege delar av Asia. Ordet «karakal» kjem gjennom fransk frå tyrkisk kara kulak som tyder 'svart øyra'.
Skildring[endre | endre wikiteksten]
Ørkengaupe minner om gaupe, men er slankare og har lengre bein og øyro. Pelsen er einsfarga raudbrun til gulgrå. Augo er gulbrune med rund pupill. Kroppslengda er 55–57 cm med ein hale på 22 cm. Skulderhøgda er 40–45 cm og vekta 16–23 kg. Gaupa lever av små pattedyr, fuglar og kalvar av hjortedyr. Ho er mest aktiv ved skumring og demring, men kan òg jakta om dagen og natta.
Underartar[endre | endre wikiteksten]
- C. c. algira
- C. c. caracal
- C. c. damarensis
- C. c. limpopoensis
- C. c. lucani
- C. c. michaelis
- C. c. nubicus
- C. c. poecilictis
- C. c. schmitzi
Kjelder[endre | endre wikiteksten]
«ørkengaupe» i Store norske leksikon, snl.no.
- Denne artikkelen bygger på «Karakal» frå Wikipedia på bokmål, den 28. desember 2012.
