Karin Balzer

Karin Balzer
Karin Balzer i 1963
Statsborgarskap	Tyskland, Den tyske demokratiske republikken
Fødd	21. mars 1958 Magdeburg i Sachsen-Anhalt i Aust-Tyskland
Død	17. desember 2019 (61 år) Chemnitz
Idrett	friidrett
Tok del i	athletics at the 1960 Summer Olympics – women's 80 metres hurdles, athletics at the 1964 Summer Olympics – women's 80 metres hurdles, athletics at the 1968 Summer Olympics – women's 80 metres hurdles, athletics at the 1972 Summer Olympics – women's 100 metres hurdles
Utmerkingar	Fedrelandets fortjenstorden i gull, Star of People's Friendship in Silver, Sportsman of the year

Karin Balzer (fødd Karin Richert, 5. juni 1938) er ein tysk tidlegare friidrettsutøvar frå Magdeburg. Ho vart olympisk meister på 80 meter hekk i 1964, og vann tre strake EM-gull på same korthekken i tida 1966-71. Balzer tevla for Aust-Tyskland.

Aktiv

Balzer deltok for det alltyske laget under sommar-OL 1960 i Roma, men vart slått ut på spesialdistansen 80 m hekk. I 1962 tok ho sølvmedaljen på same distansen under friidretts-EM i Beograd.

Balzer opplevde sin fyrste store triumf då ho vann korthekken under dei olympiske leikane i Tokyo i 1964. I 1966 sikra ho seg i Budapest den fyrste av tre EM-titlar i hekkeløp, seinare vann ho i Aten i 1969 og i Helsingfors 1971, då korthekkøvinga var forlenga til 100 meter hekk. Meisterskapen i Helsingfors gav henne også ein sølvmedalje på 4x100 m staftt med det austtyske laget. Innimellom EM-triumfane vann ho korthekken under Europacupen for lag både i 1967 og 1970.

Under sommar-OL 1972 i München avslutta Balzer si lange karriere med ein bronsemedalje på 100 m hekk.

I åra 1962-72 vann Balzer 12 gullmedaljar i austtyske meisterskap, flest på korthekken, men også i femkamp, lengdehopp og på 200 m.

Sonen Falk Balzer tevla på høgt internasjonal nivå på 110 m hekk.

Kjelder

• «Karin Richert-Balzer» (på engelsk). Sports-Reference. Arkivert frå originalen 3. desember 2016. Henta 1. februar 2017. 

• Denne artikkelen bygger på «Karin Balzer» frå Wikipedia på tysk, den 26. august 2014.