Karin Pettersen

Karin Pettersen
Statsborgarskap	Noreg
Fødd	21. november 1964 (60 år) Frosta
Yrke	handballspelar
Språk	norsk
Høgd	169 centimeter

Karin Pettersen, gift Karin Ryen, (fødd 21. november 1964) er ein norsk tidlegare handballlspelar frå Frosta som vann to OL-sølv og to VM-bronsar i tida 1986-93. Ho spelte fyrst på Frosta Idrettslag og sidan på Trondheims-laget Byåsen IL.

Pettersen debuterte på Noregs landslag i ein kamp mot Danmark den 21. februar 1984. I desember 1986 var ho med då Noreg overraskande vann bronsemedaljen under handball-VM i Nederland. Ho var med å vinne sølvmedalje både under Sommar-OL 1988 i Seoul og Sommar-OL 1992 i Barcelona. Etter 1988 var Byåsen-spelaren den sentrale playmakeren (spelesjefen) i angrepsspelet til Noregs landslag. Då Noreg på heimebane vann bronsemedaljen i Handball-VM 1993 etter 20-19 mot Romania, var Susann Goksør i ferd med å ta over den rolla i laget.

Pettersen deltok i 250 landskampar for Noreg og skåra 546 mål.

Merittar

• VM 1986: Bronsemedalje etter 23–19 mot Aust-Tyskland
• OL 1988: Sølvmedalje etter 20–23 mot Sør-Korea
• VM 1990: Nr 6 med Noreg
• OL 1992: Sølvmedalje etter 21–28 mot Sør-Korea
• VM 1993: Bronsemedalje etter 20–19 mot Romania

Kjelder

• Denne artikkelen bygger på «Karin Pettersen» frå Wikipedia på bokmål, den 4. desember 2016.