Hopp til innhald

Karl M. Johannesen

Frå Wikipedia – det frie oppslagsverket
Karl M. Johannesen

Fødd3. mai 1883
Bergen, Bergen kommune
Død7. desember 1956 (73 år)
Statsborgar avNoreg
PartiArbeidarpartiet (1908; 1923), Norges Kommunistiske Parti (1923)
Yrkepolitikar, sjømann, havnearbeider, fagforeiningsleiar, bedriftsleiar
Alle verv

Karl Marthello Johannesen (3. mai 1883–7. desember 1956) var ein norsk arbeidsmann og politikar frå Bergen. Han representerte Norges Kommunistiske Parti i Stortinget 1925-27.

Liv og virke

[endre | endre wikiteksten]

Etter folkeskulen arbeidde Johannesen frå 1897 i ti år som sjømann. I 1907 tok han til som losse- og lastearbeidar i Bergen. Han var fagorganisert som bryggjearbeidar og vart snart tillitsmann, kjent som Karl M. Han melde seg inn i Arbeidarpartiet i 1908. I 1916 vart han vald inn i bystyret, attvald dei tre neste vala og samanhengande bystyremedlem til 1928. I 1923 støtta Johannesen og dei andre i partilaget i Bergen Komintern-linja. Dei braut med fleirtalet i Arbeidarpartiet og danna Norges Kommunistiske Parti. Frå 1925 til 1927 var Johannesen stortingsmann, vald for Bergen og NKP. På Tinget var han medlem i Protokollkomiteen.

Som tillitsmann var Johnnesen sentral i arbeidet med å sameine seks ulike bryggjearbeidar-foreiningar i byen. Frå 1916 til 1925 var han formann i Fæstningskaiens Arbeiderforening. Han var då med i ei nemnd som kom med framlegg om å etablere Bergens Losse- og Lastearbeiderforening. Etter denne var skipa, var Johannesen frå nyår 1925 fastlønna forretningsførar i foreininga. I 1929 fekk Johannesen plass i Norsk Transportarbeiderforbund sitt hovudstyre.

I 1940 var Peder Furubotn ein sentral aktør i NKP i Bergens-området. I september månad låg Furubotn i dekning heime hos Johannesen.[1] Frå 1941 var Johannesen ein av fagforeiningsleiarane i den illegale leiinga for fagrørsla i Bergen.[2] 19. september 1942 var han arrestert og sat fengsla på Ulven fram til 22. november. Han vart fengsla på ny 9. september 1944. Etter 6-7 veker i Espeland fangeleir overflytta 26. oktober til Grini, som «fange 15326» til frigjeringa.[3] Frå hausten 1945 til ut året 1947 var han atter medlem i bystyret i Bergen.

  1. ↑ Side 187. Torgrim Titlestad: Peder Furubotn. I kamp, i krig, Gyldendal 1977
  2. ↑ Side 177. Frode Færøy: Den kommunistiske motstandsbevegelsen i Bergensdistriktet, 1940 - 45. Hovedoppgave i historie, Universitetet i Oslo 1991
  3. ↑ Side 358. Kristian Ottosen: Nordmenn i fangenskap 1940-1945, Universitetsforlaget, 2. utg. Oslo 2004