Kate Greenaway

Kate Greenaway
Statsborgarskap	Det sameinte kongeriket Storbritannia og Irland
Fødd	17. mars 1846 London
Død	6. november 1901 (55 år) Frognal
Yrke	kunstmålar, skribent, illustratør, barnebokforfattar, kunstnar
Far	John Greenaway
Kate Greenaway på Commons

Kate Greenaway (eigenleg Catherine Greenaway 17. mars 1846–6. november 1901) var ein engelsk barnebokforfattar og -illustratør. På 1880- og 1890-talet var ho blant dei mest innverknadsrike engelske bokillustratørene saman med kollegaene og konkurrentane Walter Crane og Randolph Caldecott.

Kate Greenaway si teikning av hovudpersonen Polly frå Bret Hartes The Queen of the Pirate Isle (1886).

Allereie den første boka hennar, Under the Window (1879), ei samling enkle, idylliske vers om barn, blei ein bestseljar. Kate Greenaway var aktiv i arts and crafts-rørsla, og barnefigurane i illustrasjonane hennes, «Kate Greenaway-barn», blei teikna med romantiserte og nostalgiske barneklede frå tidleg på 1800-talet, det vil seia empireinspirerte kjolar med høgt liv, forklekjolar og kysehattar for jentene, skeleton suit (tvidelt guttedrakt av overdel knept saman med bukser med høgt liv) og kittel (serk) for gutane. Teikningane hennar var elles utførte i den detaljerte og dekorative stilen frå samtida. Illustrasjonar til Greenaway blei reproduserte som fargexylografi, altså som fine, handskorne tresnitt.

Kate Greenaway-medaljen er ein britisk litteraturpris som er oppkalla etter henne. Denne blei skipa i 1955 og blir delt ut kvart år til ein prisverdig barnebokillustratør.

May Day («Første mai», 1884), penn og vassfargar.

Kjelder

• Denne artikkelen bygger på «Kate Greenaway» frå Wikipedia på bokmål, den 11. september 2021.

Bakgrunnsstoff

Commons har multimedium som gjeld: Kate Greenaway