Kathrine Johnsen

Frå Wikipedia – det frie oppslagsverket
Kathrine Johnsen
Fødd 22. oktober 1917
Tana
Død

25. juni 2002 (84 år)
Tromsø

Yrke undervisar, radio- og TV-journalist

Kathrine Johnsen (22. oktober 191725. juni 2002) var ein norsk-samisk lærar og tilsett i NRKs Sameradio. Ho er ein av dei viktigaste personane for samisk språk og kultur etter andre verdskrigen, og vart kalla «Sameradioens mor».

Biografi[endre | endre wikiteksten]

Johnsen var fødd i i Tana kommune og voks opp i Finnmark. Etter å ha hatt ei rekke jobbar utdanna ho seg til lærer i Tromsø. Ho var ferdig utdanna lærar i 1949. Ho jobba deretter på den samiske ungdomsskulen i Karasjok fram til 1958, med ulike pausar for vidareutdanning. Ho tok samisk grunnfag i 1968

I 1959 vart ho programsekretær i NRK, og dreiv den samiske radioen åleine i nesten ti år. Samtidig var ho òg tidvis sjef for NRK Finnmarks sendingar på norsk og samisk. I 1964 flytta ho til Tromsø, og var den einaste fast tilsette i Sameradioen der, noko som gjorde at ho hadde hovudansvaret for alle sendingane, som etter kvart gjekk til Noreg, Sverige og Finland. Då Sameradioen vart flytta til Karasjok, vart Johnsen verande i Tromsø.

Ho var aktiv i ulike former for samepolitisk arbeid, særleg i Nordisk sameråd, men hadde òg ei rekke andre verv. Ho var observatør for Norske Kvinners Nasjonalråd ved FNs 31. generalforsamling i 1976. Ho sat i ei rekke styre som for avisa Ságat, der ho var leiar, den samiske folkehøgskulen, Nordisk samisk institutt, der ho var varamedlem og ho var med i komiteen som gav ei innstilling om stadnamn i 1983. I tillegg var ho med i den samiske liturgikomiteen og den samiske salmekomiteen. Ho er representert i Norsk salmebok 2013 med ei omsetjing av Thorbjørn Egners «Jeg folder mine hender små» til samisk.

Utmerkingar[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]