Kati Wilhelm

Kati Wilhelm
Fødd	2. august 1976 Schmalkalden
Yrke	skiskyttar, sportskommentator
Kati Wilhelm på Commons

Kati Wilhelm (fødd 2. august 1976), eigentleg Katarina Wilhelm er ein tysk skiskyttar frå Schmalkalden i Thüringen i Tyskland. Ho er tre gonger olympisk meister, og ein gong verdsmeister i skiskyting.

Wilhelm gjorde sine første erfaringar i skiløypa i 1983 i Steinbach-Hallenberg. Som fjortenåring byrja ho på sportsgymnas i Oberhof, der ho tok abitur (tilsvarande artium) i 1995. Deretter vart ho skiløpar på heiltid, tilknytt den tyske hæren. I OL i Nagano i 1998 oppnådde ho ein femte plass med det tyske stafettlaget i langrenn. I 1999 skifta ho frå langrenn til skiskyting. I 2001 tok ho sitt første VM-gull på sprinten i Pokljuka. I OL i Salt Lake City i 2002 tok ho gull på sprint og stafett, og sølv på jaktstarten. Den beste sesongen hennar samanlagt so langt er 2004/05-sesongen, då ho vann tre verdscuprenn og kom på andreplass samanlagt. Ho var flaggberar for Tyskland under opningsseremonien til OL i Torino i 2006, og vann der jaktstarten.

Kortfatta merittliste

(pr. 28. februar 2006)

• Verdscupen samanlagt:
  • Beste plassering: 2. plass (2004/05)
• Verdsmeisterskap:
  • 1 gull (sprinten, 2001), 2 sølv, 3 bronse
• Olympiske leikar:
  • 3 gull (sprint og stafett 2002, jaktstart 2006), 3 sølv
• Verdscuprenn:
  • 14 gull, 13 sølv, 6 bronse

Bakgrunnsstoff

• Kati Wilhelm sine offisielle heimesider

.