Katrine Lunde

Katrine Lunde
Statsborgarskap	Noreg
Fødd	30. mars 1980 (42 år) Kristiansand
Idrett	handball
Tok del i	Sommar-OL 2012, Sommar-OL 2008, Handball under Sommar-OL 2008 – Kvinner, Handball under Sommar-OL 2012 – Kvinner, Handball under Sommar-OL 2016 – Kvinner, Handball under Sommar-OL 2020 – Kvinner

Katrine Lunde (fødd 30. mars 1980) er ei norsk handballmålvakt frå Kristiansand. Ho har vunne to OL-gull, like mange VM-gull og er femfaldig europameister i handball med Noreg. Sidan 2017 vaktar ho målet for IK Våg/Vipers frå heimbyen, eit lag ho spelte på også i tida 1997-2004. Ho har to gongar vunne EHF-meisterligaen for Viborg HK og ein gong for høvesvis Győri ETO og Våg/Vipers. Lunde har ved utgangen av 2021 delteke i 326 landskampar for Noreg, fleire enn nokon annan spelar. Også tvillingsystera Kristine Lunde var norsk landslagsspelar i handball.

Klubbspel

Lunde melde overgang frå Kristiansand IF til IK Våg sommaren 1997. Periodane 2004-07 og 2017-10 vakta ho målet for høvesvis Aalborg DH og Viborg HK i Danmark. Frå 2010 til -15 spelte ho på det ungarske topplaget Győri ETO, deretter gjorde ho teneste i Rostov-Don i den russiske toppserien i to sesongar. Sidan 2017 har ho atter vore målvakt i heimlege IK Våg.

Landslagsspel

Landslagdebut 26. september 2002 mot Jugoslavia. Ho var med i den norske troppa som tok EM-sølv i desember 2002, men sat sjølv på tribunen i alle kampane. Frå europameisterskapen i 2004 til europameisterskapen 2020 var ho med om å vinne fem EM-gull og eitt EM-sølv. Perioden 2007-21 gav henne to gullmedaljar, like mange sølvmedaljar og ein bronsemedalje. I olympiske leikar tok ho gull i 2008 og 2012, samt bronse i 2016 og 2021. Opp til og med VM-finalen 2021 deltok Lunde i 326 landskampar, skåra 3 landslagsmål.

Merittar landslag

• EM 2004: Sølvmedalje etter 22–25 mot Danmark
• VM 2003: Nr 6
• EM 2004: Gullmedalje etter 27–25 mot Danmark
• EM 2006: Gullmedalje etter 27–24 mot Russland
• VM 2007: Sølvmedalje etter 24–29 mot Russland
• OL 2008: Gullmedalje etter 34–27 mot Russland
• EM 2008: Gullmedalje etter 34–21 mot Spania
• VM 2009: Bronsemedalje etter 26–21 mot Spania
• EM 2010: Gullmedalje etter 25–20 mot Sverige
• VM 2011: Gullmedalje etter 32–24 mot Frankrike
• OL 2012: Gullmedalje etter 26–23 over Montenegro
• EM 2012: Sølvmedalje etter 31–34 mot Montenegro
• VM 2013: Nr 5 med Noreg
• OL 2016: Bronsemedalje etter 36–26 mot Nederland
• VM 2017: Sølvmedalje etter 21–23 mot Frankrike
• EM 2018: Nr 5 etter 38–29 mot Sverige
• EM 2020: Gullmedalje etter 22–20 mot Frankrike
• OL i 2021: Bronsemedalje etter 36–19 mot Sverige
• VM 2021: Gullmedalje etter 29–22 mot Frankrike

Merittar klubblag

Katrine Lunde i 2018

• Vinnar av EHF-meisterligaen: 2009 og 2010 med Viborg, 2012 med Győri ETO, 2021 med Våg/Vipers
• Vinnar av EHF-pokalen: 2017 Rostov
• Dansk seriemeister: 2009 og 2010 med Viborg HK
• Ungarsk seriemeister: 2011, 2012, 2013, 2014,
• Ungarsk cupmeister: 2011, 2012, 2013, 2014, og 2015
• Russisk meister: 2017 Rostov
• Norsk seriemeister: 2018, 2019, 2020, 2021 med IK Våg
• Norsk cupmeister: 2018, 2019, 2020, 2021 med IK Våg

Kjelder

• Landskampstatistikk