Kfar Abida

Frå Wikipedia – det frie oppslagsverket
Hopp til navigering Hopp til søk
Koordinatar: 34°13′35″ N 35°39′36″ E
Kfar Abida
landsby
Land Flag of Lebanon.svg Libanon
Guvernement Nord guvernement
Distrikt Batroun distrikt
Høgd 200 moh.
Koordinatar 34°13′35″ N 35°39′36″ E
Folketal 9 613 (2007)
Lebanon location map.svg
Locator Red.svg

Kfar Abida eller Kfar Aabida er ein landsby 2 km sør for Batroun i Batroun distrikt i Nord guvernement i Libanon.[1] Delen av landsbyen i sørvest vert òg kalla det eldre namnet Fadous eller Fadaous.

Arkeologiske funn[endre | endre wikiteksten]

Tell Fadous[endre | endre wikiteksten]

Flintreiskap frå yngre steinalder frå Qaraoun-kulturen.

Tell Fadous, Tell Fadaous, Fadaous eller Fadeous er ein tell sørvest for Kfar Abida som først vart undersøkt av R. Wetzel og J. Haller i 1945 oppom sementerte strandavleiringar på 6 meter.[2] Eit par Levallois-flintflak vart funnen på toppen av ei sanddyne.[3] Nyare studiar av Hermann Genz og Hélène Sader frå American University of Beirut har vist at tellen var busett fram til tidleg bronsealder, men vart så fråflytta seint på 2000-talet fvt.[4][5] Ralph Pederson frå Universitetet i Marburg studerte maritim arkeologi av kysten kring Tell Fadous. Pederson indikerte at staden «Tellbukta» kan ha vore nytta som hamnestad for fiskarar i bronsealderen, noko dei mange restane av fisk og stranskjel indikerer. Han fann òg eit flintblad frå yngre steinalder på grunna i Tellbukta.[6]

Fadous Sud[endre | endre wikiteksten]

Fadous Sud eller Fadaous Sud er ein stad frå yngre steinalder i Qaraoun-kulturen som ligg sør for tellen, kring 300 meter sør for landsbyen. Han vart oppdaga av Maurice Tallon i 1957 mellom sjøen og vegen. Det vart oppdaga at staden strekkjer seg aust for vegen i 1966 av W.E. Wendt, då materiale vart gjenoppdaga og staden undersøkt av Lorraine Copeland og Henri Fleisch . Den store staden dekkjer 400 meter på kvar side av hovudvegen opp til sida av ein wadi.[7]

Fadous Sud viste seg å vere ein enorm flintfabrikk frå yngre steinalder med mange forskjllige typar grå flint og kremfarga chert med store kjernar og flag, og skraper, lange blad, endeskraper, og andre typar. Samlinga hadde særeigne likskapar med dei som vart funne ved Qaraoun frå same tidsepoke. Funna vart lagra ved St. Josef universitet.[7] Ei ny undersøking av staden vart utført i 2005 av Dörte Rokitta-Krumnow.[8]

Kjelder[endre | endre wikiteksten]

  1. Robert Boulanger (1966). The Middle East, Lebanon, Syria, Jordan, Iraq, Iran, p. 178. Hachette. Henta 9. juli 2012. 
  2. Wetzel, R. & Haller, J., Le Quartinaire de la région de Tripoli. Notes et Mémoires de la Délégation Générale de France au Liban. Section Géologique, No. 4, Beirut, 1945.
  3. Lorraine Copeland; P. Wescombe (1965). Inventory of Stone-Age sites in Lebanon, s. 85,. Imprimerie Catholique. Henta 21. juli 2011. 
  4. Genz, H. and Sader, H. 2007 Excavations at the Early Bronze Age Site of Tell Fadous-Kfarabida: Preliminary Report on the 2007 Season of Excavations. Bulletin d’Archéologie et d’Architecture Libanaises 11: 7-16., 2007.
  5. Riehl, S. and Deckers, K. (2007). Plant Remains. In: H. Genz. (ed) Tell Fadous (Libanon). Baal 9, 84-88.
  6. Pederson, Ralph., The Underwater survey at Tell Fadous-Kfarabida, s. 17-23, BAAL 11, 2007.
  7. 7,0 7,1 L. Copeland; P. Wescombe (1966). Inventory of Stone-Age Sites in Lebanon: North, South and East-Central Lebanon, s. 158. Impr. Catholique. Henta 3. mars 2011. 
  8. Rokitta D., A lithic site søraust for Tell Fadous-Kfarabida: Preliminary observations. Baal 9 (2005) 100-101.

Bakgrunnsstoff[endre | endre wikiteksten]