Kifl Hares

Kifl Haris
كفل حارس, Kifl Hares, Kefl Harith
kommune
Kifl Hares i 2011
Namneopphav: Vaktlandsbyen
Land	Dei palestinske territoria
Guvernement	Salfit guvernement
Koordinatar	32°07′07.02″N 35°09′25.02″E
Areal	9 335 km²
Folketal	3 248  (2007)
Borgarmeister	Ahmad Buziah
Kifl Hares 32.118616666667°N 35.15695°E / 32.118616666667; 35.15695
Wikimedia Commons: Kifl Hares

Kifl Haris (arabisk كفل حارس) er ein palestinsk landsby nord på Vestbreidda, seks kilometer vest for Salfit og 18 kilometer sør for Nablus i Salfit guvernement, nordvest for den israelske busetjingsbyen Ariel.

Historie

Det osmanske riket

I 1517 vart landsbyen ein del av Det osmanske riket i lag med resten av Palestina, og i 1596 stod Kafr Harit oppført i osmanske skattelister som ein del av Jabal Qubal nahiya under Nablus liwa'. Han hadde eit folketal på 54 hushaldningar, alle muslimar. Dei betalte skatt for tilfeldige inntekter, geiter og/eller bikubar, og ein fast sum.

Seint i osmansk tid, i 1870, vitja den franske oppdagaren Victor Guérin landsbyen, etter å ha vandra gjennom «vakre plantasjar av fiken og oliven». Han estimerte at han hadde 600 innbyggjarar. Guérin kalla staden Kefil Haris. Han nemnte ruinane av eit gammalt klokketårn bygd av store, tilpassa steinar mellom Deir Estia og Kefr Haris. I Kefr Haris fann han to øydelagde marmorsøyler bygde inn i muren av moskéen.

I 1882 vart han skildra som «ein noko liten landsby i høgt lende, med olivenlundar i aust. Han har tre heilage stader, Neby Kifl, Neby Nun og Neby Lusha. [..]»

Palestinamandatet

I folketeljinga i 1922 hadde Kufr Hares eit folketal på 373, alle muslimar, og dette auka i folketeljinga i 1931 til 562 personar, framleis alle muslimar, i 130 hus.

I 1945 var folketalet 770 arabarar medan det samla landarealet var 9 393 mål, i følgje ei offisiell landmåling. Av dette var 4 117 for plantasjar og irrigert land, 2 131 for cereals, medan 32 mål var klassifisert som utbygde område.

Josvagrava

Josvagrava

I følgje ein samaritansk tradisjon, nedskriven i 1877, ligg gravene til Josva og Kaleb i Kifl Haris.

Den bibelske tradisjonen plasserer gravene til Josva, Kaleb og Nun i Timnath-heres som somme meiner er den noverande plasseringa til Kifl Haris. Tusenvis reiser på pilegrimsreise til desse gravene kvart år.

Kjelder

• Denne artikkelen bygger på «Kifl Hares» frå Wikipedia på engelsk, den 20. september 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Guérin, Victor (1875). Description Géographique Historique et Archéologique de la Palestine. Vol 2 Samarie; pt. 2. 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 

Bakgrunnsstoff

• Velkomen til Kifl Harith