Periferieininga Kilkís

Frå Wikipedia – det frie oppslagsverket
(Omdirigert frå Kilkís periferieining)
Periferieininga Kilkís
Περιφερειακή ενότητα Κιλκίς
Plasseringa til {{{name}}} i Hellas
Periferi Sentral-Makedonía
Hovudstad Kilkís
Folketal 80 419 (2011[1]) Rangering 39.
Areal 2 519 km² Rangering 25.
Folketettleik 32/km²
Kommunar 2
Postnummer 61x xx
Retningsnummer 234x0
Bilnummer KI
Heimeside www.kilkis.gr

Periferieininga Kilkís (gresk Περιφερειακή ενότητα Κιλκίς, Periferiakí enótita Kilkís) er eit periferieining i Hellas i periferien Sentral-Makedonía.[2] Hovudstaden er Kilkís og periferieininga grensar til Pélla i vest, Thessaloníki i sør, Sérres i aust og nabolandet Nord-Makedonia i nord.

Geografi[endre | endre wikiteksten]

Fjellet Páiko ligg i vest, vestlege delar av Kerkíni i nordaust og Kroússia i aust. Doiránisjøen ligg i nord.

Klima[endre | endre wikiteksten]

Dei sørlege områda av dalen langs elva Axiós (Vardar) har middelhavsklima, elles er klimaet hovudsakleg kontinentalt med kalde vintrar i høgareliggande område.

Historie[endre | endre wikiteksten]

Områda som i dag utgjer periferieininga bestod av fleire kongerike før det vart invadert av Makedonia, som seinare styrte over området. Styret deira enda etter den tredje makedonske krigen og det vart ein del av Romarriket. Etter at Romarriket vart delt i to i 395 vart Kilkís ein del av Austromarriket. Det vart så gjeve til Bulgaria og vart busett av bulgarar. På 1400-talet kom området inn under Det osmanske riket, som hadde det fram til den første balkankrigen i 1912, då det vart teke av Bulgaria igjen. I den andre balkankrigen i 1913 erobra den greske hæren området og det vart endeleg annektert og ein del av Hellas. Mange grekarar frå Litleasia kom til Kilkís etter den gresk-tyrkiske krigen i 1922 og som følgje folkeutvekslinga mellom Hellas og Tyrkia skildra i Lausannetraktaten. Området vart då igjen gresktalande.

Fram til 1939 var området ein del av Thessaloníki prefektur, før det vart eit eige prefektur og frå 2011 ei periferieining. Etter den andre verdskrigen og den greske borgarkrigen måtte mykje av Kilkís byggjast opp att. Folketalet auka, men mange emigrerte òg frå landet.

Administrativ inndeling[endre | endre wikiteksten]

Tidlegare var Kilkís eit prefektur. Frå 2011 er periferieininga delt inn i to kommunar.[2]

Periferieining Kommune Tidlegare
kommune
Postnummer Retningsnr
Kilkís Peonía Polýkastro 612 00 23430-2
Gouménissa 613 00 23430-4
Axioúpoli 614 00 23830-3
Evropós 610 02 23430-6
Livádia 614 00 23430-3
Kilkís Kilkís 611 00 23410-2 til 7
Kroússa 611 00 23410-4
Doiráni 610 03 23410-9
Khérso 610 02 23410-5
Mouriés 610 03 23410-31
Pikrolímni 570 01 23431-9
Gallikós 611 00 23430-42

Byar og tettstader[endre | endre wikiteksten]

Dei største byane og tettstadene i periferieininga er:

Tettstad Kommune Folketal 2011[1]
Kilkís Kilkís 22 014
Polýkastro Peonía 7 064
Gouménissa Peonía 3 609
Axioúpoli Peonía 2 897
Evropós Peonía 1 734
Néa Sánda Kilkís 1 693
Ájos Pétros Peonía 1 505
Néo Ajonéri Kilkís 1 176
Kambánis Kilkís 1 170
Stathmós Mourión Kilkís 1 040

Referansar[endre | endre wikiteksten]

Kjelde[endre | endre wikiteksten]