Kim Friele

Kim Friele
Fødd	27. mai 1935 Fana
Død	22. november 2021 (86 år)
Yrke	forfattar, LHBT-aktivist
Sjanger	homolitteratur
Ektefelle	Wenche Lowzow, Ole Friele
Kim Friele på Commons

Karen-Christine Friele, kjend som Kim Friele (27. mai 1935–22. november 2021), var ein norsk forfattar og aktivist som arbeidde gjennom mange år for homofile sine rettar.

Liv og verksemd

Friele var fødd i Fana i Bergen. Friele studerte språk ved mellom anna University of Cambridge, og jobba frå 1958 til 1971 som sekretær ved Opplysningskontoret for forsikring i Oslo. 8. august 1959 gifta ho seg med advokat Ole Friele jr. Dei vart skilde i 1961.

I Oslo vart Friele ein del av det den gong svært lukka homoorganisasjonen Det norske forbundet av 1948, der ho var leiar i perioden 1966-1971, og tilsett som generalsekretær fram til 1989. Frieles arbeid var sterkt medverkande til at straffeloven § 213 som kriminaliserte homoseksuelle handlingar mellom menn, vart oppheva i 1972, at «homofili» vart fjerna som psykiatrisk diagnose i 1978, og at Noreg i 1981 utvida straffelovens paragrafer mot rasisme (§§ 135a og 349a) til også å gjelde diskriminering i samband med seksuell legning.

Då Noreg i 1993 innførte ei lovgivning som regulerte registrert partnarskap for personar av same kjønn, var Friele og partnaren hennar gjennom mange år, Wenche Lowzow, eit av de første para som inngjekk partnarskap.

Kunst og heider

22. juni 2005, i samband med Europride-festivalen, vart ein byste av ho avduka på Rådhusplassen i Oslo. Bysta er laget av bilethoggaren Nina Sundby, og er plassert inne på Deichmanske bibliotek.

Kim Friele vart 28. mars 2008 utnemnd til æresmedlem i Arbeidarpartiet. Friele mottok Fritt Ord-prisen i 1978, med grunngjevinga «for innsatsen hennar for å skape forståing for dei homofile sin situasjon». I 2009 hevda ho at ho vil levere prisen attende i protest mot at filosofen Nina Karin Monsen vart tildelt Fritt Ord-prisen same året, og omtalte prispengane som «judaspengane».

Bibliografi

• Homofili (1972)
• Fra undertrykkelse til opprør. Om å være homofil – og være glad for det (1975)
• Homofil frigjøring – ditt ansvar (1980)
• De forsvant bare … Fragmenter av homofiles historie (1985)
• Troll skal temmes (1990)
• Fangene med rosa trekant – aldri mer? Et femtiårsminne (1995)

Prisar og utmerkingar

• 1978 – Fritt Ord-prisen (Friele hevda i 2009 at ho vil levere prisen attende)
• 1989 – utnemnd til statsstipendiat
• 1994 – Homobevegelsens Ærespris
• 1999 – Humanistprisen
• 2000 – Ridder av 1. klasse av St. Olavs Orden
• 2005 – Delt fjerdeplass i kåringa av Århundrets nordmann
• 2008 – Æresmedlem i Arbeidarpartiet

Kjelder

• Denne artikkelen bygger på «Karen-Christine Friele» frå Wikipedia på bokmål, den 15. mai 2009.

Bakgrunnsstoff

• nrk.no biografi i høve Århundrets nordmann
• dagbladet.no artikkel
• Nett-Radio (dokumetar om Friele på NRK, 2005)
• Nett-TV (intervju med Friele i programmet Først & sist den 16. desember 2005)
• homonettverket.no Homohistorisk oversikt, skrive av Friele