Kim Småge

Kim Småge
Pseudonym	Kim Småge
Statsborgarskap	Noreg
Fødd	23. juni 1945 (81 år) Trondheim
Yrke	romanforfattar, skribent, barnebokforfattar, journalist, lærar
Medlem av	Rivertonklubben, Asociación Internacional de Escritores Policíacos[*]
Prisar	Rivertonprisen, Språklig samlings litteraturpris, Glassnøkkelen

Kim Småge (fødd 23. juni 1945 i Trondheim), eigentleg namn Anne Karin Thorshus, er ein norsk forfattar, frilansjournalist og tekstforfattar. Ho er utdanna cand.mag. ved Universitetet i Trondheim med faga norsk, engelsk og geografi. Ho er òg utdanna instruktør i Norges Dykkeforbund. Debuterte som forfattar under namnet Kim Småge i 1983. Småge var den første i Noreg som vart omtala som «krimdronning», og ho vert rekna som ein av grunnleggjarane for den feministiske krimbølgja i Noreg.

Gjennomgangsfigur i mange av kriminalromanane hennar er politibetjent Anne-Kin Halvorsen. Bøkene refererer ofte til eit felles univers rundt Trondheim politikammer som Småge deler med forfattarane Fredrik Skagen, Idar Lind og Anne Birkefeldt Ragde.

Utgjevingar

• Nattdykk – Kriminalroman (1983)
• Origo – Kriminalroman (1984)
• Kainan – Kriminalroman(1986)
• Figurene – Ungdomsbok (1986)
• Interrail – Ungdomsbok (1988)
• Lex Love – Roman (1991)
• Kvinnens lange arm – Noveller (1992)
• Sub rosa – Kriminalroman (1993)
• En kjernesunn død – Kriminalroman (1995)
• Containerkvinnen – Kriminalroman (1997)
• Medaljen – Lettlestbok for psykisk utviklingshemma (1997)
• Koksbiter og trollsplint – Roman (1999)
• Solefall – Kriminalroman (2002)
• Dobbeltmann – Kriminalroman (2004)
• Dameroman m/menn – Dameroman (2016)

Prisar

• Rivertonprisen 1983, for Nattdykk
• Beste ungdomsroman 1986, for Figurene
• Språklig samlings litteraturpris 1990
• Glassnøkkelen 1993, for Sub Rosa
• Palle Rosenkrantz-prisen 1998, for En kjernesunn død