Kim Wilson

Kim Wilson
	Kim Wilson
	; Wilson i 1996
Fødd	6. januar 1951 (73 år)
Fødestad	Detroit
Opphav	USA
Sjanger	Blues
Instrument	Vokal, munnspel
Tilknytte artistar	The Fabulous Thunderbirds, Kim Wilson Blues Revue
Plateselskap	Severn Records
Verka som	Musikar

Kim Wilson (fødd 6. januar 1951) er ein amerikansk blues-songar og munnspelspelar. Han er mest kjend som solovokalist og frontmann i The Fabulous Thunderbirds på to hitsongar i 1980-åra; «Tuff Enuff»,^[1] og «Wrap It Up».

Karriere[endre | endre wikiteksten]

Wilson vart fødd i Detroit i Michigan i 1951,^[2] men han voks opp i Goleta i California, der han stundom vart kalla «Goleta Slim». Han starta med blues seint i 1960-åra og gjekk i lære hos folk som Muddy Waters, Jimmy Rogers, Eddie Taylor, Albert Collins, George «Harmonica» Smith, Luther Tucker og Pee Wee Crayton og vart inspirert av munnspelspelarar som Little Walter, James Cotton, Big Walter Horton, Slim Harpo og Lazy Lester. Før han flytta til Austin i Texas i 1974, var han leiar for bandet Aces, Straights and Shuffles i Minneapolis i Minnesota. Dette bandet gav ut ein singel. I Austin danna han The Fabulous Thunderbirds med gitaristen Jimmie Vaughan, og dei vart husbandet ved bluesklubben Antone's, eigd av Clifford Antone. Muddy Waters kalla Wilson, «Den beste munnspelspelaren sidan Little Walter».^{[treng kjelde]}

Wilson spelar framleis opp mot 300 konsertar per år på bluesfestivalar og klubbar over heile verda, både som leiar for The Fabulous Thunderbirds og med Kim Wilson Blues Allstars.