Hopp til innhald

Kirsty Coventry

Frå Wikipedia – det frie oppslagsverket
Kirsty Coventry


Fødenamn Kirsty Legh Coventry
Statsborgarskap Zimbabwe
Fødd 16. september 1983 (41 år)
Harare
Idrett svømming
Tok del i Svømming under Sommer-OL 2000 – 50 meter fri kvinner, swimming at the 2000 Summer Olympics – women's 100 metre freestyle, swimming at the 2000 Summer Olympics – women's 100 metre backstroke, swimming at the 2000 Summer Olympics – women's 200 metre individual medley, Samveldeleikane 2002, Svømming under Sommer-OL 2004 – 100 meter ryggsvømming kvinner, Svømming under Sommer-OL 2004 – 200 meter ryggsvømming kvinner, Svømming under Sommer-OL 2004 – 200 meter individuell medley kvinner, Svømming under Sommer-OL 2008 – 100 meter ryggsvømming damer, Svømming under Sommer-OL 2008 – 200 meter individuell medley damer, Svømming under Sommer-OL 2008 – 200 meter ryggsvømming damer, Svømming under Sommer-OL 2008 – 400 meter individuell medley damer, Svømming under Sommer-OL 2012 – 100 meter ryggsvømming damer, Svømming under Sommer-OL 2012 – 200 meter ryggsvømming damer, Svømming under Sommer-OL 2012 – 200 meter individuell medley damer, Svømming under Sommer-OL 2016 – 100 meter ryggsvømming kvinner, Svømming under Sommer-OL 2016 – 200 meter ryggsvømming kvinner
Utmerkingar Honda Sports Award for Swimming & Diving

Kirsty Leigh Coventry Seward (fødd 16. september 1983 i Harare) er ein zimbabwisk symjar, politikar og idrettsleiar. Ho blir den 10. presidenten i Den internasjonale olympiske komitéen (IOK) i 2025, og blir dimed den fyrste kvinna og den første afrikanaren som vert vald til denne stillinga.[1] Coventry har sidan september 2018 vore minister for ungdom, idrett, kunst og rekreasjon i regjeringa i Zimbabwe. Som tidlegare olympisk symjar og verdsrekordhaldar er ho den mest dekorerte olympiske utøvaren frå Afrika.

Coventry vart fødd i Harare og konkurrerte i symjing medan ho studerte ved Auburn University i Alabama i USA.[2] Under sommar-OL i 2004 i Aten vann ho tre olympiske medaljar: ein gull-, ein sølv- og ein bronsemedalje.[3] I sommar-OL i 2008 i Beijing vann ho fire medaljar: éin gull- og tre sølvmedaljar. Paul Chingoka, leiar for den zimbabwiske olympiske komitéen, omtala ho som «vår nasjonalskatt». Zimbabwes president Robert Mugabe kalla ho «ei gulljente» og gav ho personleg 100 000 amerikanske dollar for innsatsen hennar i OL i Beijing i 2008.[4][5]

I 2016 la Coventry opp som symjar etter sitt femte OL. Ho hadde då vunne flest individuelle medaljar i olympisk symjing for kvinner, delt med Krisztina Egerszegi. Ho vart medlem av IOK og vart i 2018 vald til leiar for IOK sin utøvarskommisjon, som representerer alle olympiske utøvarar globalt.[1]

Symjekarriere

[endre | endre wikiteksten]

Sommar-OL 2000 og 2004

[endre | endre wikiteksten]

I 2000, medan ho framleis gjekk på vidaregåande skule, vart Coventry den første zimbabwiske symjaren til å nå semifinalane i OL. Same år vart ho kåra til Årets idrettskvinne i Zimbabwe.[6][7]

I OL 2004 i Aten vann ho tre medaljar, inkludert gull på 200 meter rygg. Ho blei den fyrste zimbabwiske utøvaren til å ta olympiske medlajar.[8][9][10][11]

College-karriere

[endre | endre wikiteksten]

Som student ved Auburn University bidrog Coventry til at laget vann National Collegiate Athletic Association (NCAA)-meisterskapen i 2003 og 2004. I 2005 vart ho toppscorar i NCAA-meisterskapen og tok tre individuelle titlar: 200-yard og 400-yard individuell medley (IM) og 200-yard rygg for andre år på rad. Ho vart kåra til College Swimming Coaches Association sin Symjar av meisterskapen. Andre prisar ho fekk inkluderer Southeastern Conference (SEC) Årets symjar 2005 og SECs kvinnelege utøvar for 2004–05. Ho mottok også Honda Sports Award for symjing og stuping.[12][13]

Verdsmeisterskapane i 2005 og

[endre | endre wikiteksten]

I VM 2005 i Montréal forbetra Coventry medaljeuttellinga si frå OL 2004 ved å vinne gull på 100 m og 200 m rygg, samt sølv på 200 m og 400 m individuell medley. Ho forbetra også OL-gulltida si på 200 m rygg med 2.08,52.

I 2006 fullførte ho ein Bachelor of Science i hotell- og restaurantleiing ved Auburn University.[14]

I VM 2007 i Melbourne vann Coventry sølv på 200 m rygg og 200 m individuell medley.

Coventry i 2009

2008 og 2009-sesongane

[endre | endre wikiteksten]

I 2008 sette Coventry sin første verdsrekord på 200 m rygg under Missouri Grand Prix. Ho slo den gamle rekorden frå 1991. Ho vart den tredje kvinna i historia til å symje 100 m rygg på under eitt minutt og den andre til å symje under 59 sekund. Under kortbane-VM i Manchester same år sette ho fleire meisterskapsrekordar og verdsrekordar.

I OL 2008 i Beijing vann ho sølv på 400 m individuell medley og slo verdsrekorden, men vart slått av Stephanie Rice. Ho forsvarte olympiatittelen sin på 200 m rygg og sette verdsrekord med 2.05,24.[15]

President Mugabe tildelte ho 100 000 amerikanske dollar for prestasjonane hennar, men Coventry gav pengane til veldedige føremål.[16]

I VM 2009 i Roma vann Coventry gull på 200 m rygg med verdsrekord og tok sølv på 400 m individuell medley.

Sommar-OL 2012 og 2016

[endre | endre wikiteksten]

I OL 2012 i London nådde ho finalen på 200 m individuell medley og 200 m rygg, men vart nummer seks i begge.

I OL 2016 i Rio de Janeiro konkurrerte ho for femte og siste gong i OL. Ho vart nummer seks på 200 m rygg, same plassering som i 2012.[17] Etter OL 2016 la ho opp.[18]

Politisk karriere

[endre | endre wikiteksten]

Den 7. september 2018, åtte dagar før ho fylte 35 år, vart Coventry utnemnd til minister for ungdom, idrett, kunst og rekreasjon i Zimbabwes regjering under president Emmerson Mnangagwa.[19] Ho har fått kritikk frå kunstmiljøet og andre for det dei meiner er mangel på handling og støtte.[20]

Coventry vart skulda for å ha fått tildelt feil jordeigedom av Robert Zhuwao, nevøen til tidlegare president Robert Mugabe, men ho vart seinare frikjent då retten konkluderte med at ho hadde fått ein heilt annan del av garden enn den Zhuwao hevda.[21]

I september 2023 vart Coventry gjenoppnemnd som Zimbabwes minister for idrett, kunst og rekreasjon av president Mnangagwa.[22][23]

Den internasjonale olympiske komitéen (IOK)

[endre | endre wikiteksten]

I 2012 vart Coventry vald inn i IOK sin utøvarskommisjon for ein åtteårsperiode.[24] I 2023 vart ho vald inn i IOC sitt eksekutivkomité. I september 2024 vart ho ein av sju kandidatar til å etterfølgje Thomas Bach som IOC-president.[25]

Presidentperiode

[endre | endre wikiteksten]

Den 20. mars 2025 vart Coventry vald til president i IOK, og vart med det den fyrste kvinna og den fyrste afrikanaren i rolla.[1][26] Ho vart òg den nest yngste personen og den andre olympiske medaljevinnaren som nokon gong har blitt vald til stillinga.

Privatliv

[endre | endre wikiteksten]

Coventry vart fødd i Harare i 1983[27] til Robert Edwin og Lyn Coventry.[28] Ho gjekk på Dominican Convent High School i Harare fram til 1999.[29] Den 10. august 2013 gifta ho seg med Tyrone Seward,[30] som hadde vore manageren hennar sidan 2010. I mai 2019 fekk paret sitt første barn.[31]

Symjeresultat og utmerkingar

[endre | endre wikiteksten]

Med sju olympiske medaljar er Coventry den mest dekorerte olympiske utøvaren frå Afrika. Då ho la opp, delte ho rekorden for flest individuelle olympiske medaljar i symjing for kvinner med Krisztina Egerszegi, ein prestasjon som sidan har blitt tangert av Katie Ledecky.[32] Coventry deltok i fem OL frå 2000 til 2016 og vann alle Zimbabwes olympiske medaljar utanom éin.

Ho vart innlemma i International Swimming Hall of Fame i 2023.[33]

Kjelder

[endre | endre wikiteksten]
  1. ↑ 1,0 1,1 1,2 Klosok, Aleks; Morse, Ben (20. mars 2025), «Kirsty Coventry elected new IOC president, becomes first woman and African in the role», CNN (på engelsk), henta 20. mars 2025 
  2. ↑ "Zimbabwe puts aside racial tensions to give hero's welcome to triple medal winner", USA Today, 25 August 2004.
  3. ↑ «2004 Olympic Games swimming results». CNN. Arkivert frå originalen 14. august 2004. Henta 22. juli 2007. 
  4. ↑ «Kirsty Coventry: Success brings rare cheer to Zimbabwe», Australian Broadcasting Corporation, 5. juni 2008, arkivert frå originalen 4. april 2016, henta 23. mars 2022 
  5. ↑ "Zimbabwe swimmer gets cash prize", BBC, 29 August 2008.
  6. ↑ Who is Kirsty Coventry, the next president of the International Olympic Committee? 
  7. ↑ Zimbabwe: 10 things to know about Kirsty Coventry, shortlisted to head International Olympic Committee 
  8. ↑ «Coughlin takes gold in 100-meter backstroke». USA Today. 16. august 2004. Henta 21. mars 2013. 
  9. ↑ «Klochkova golden in 200 IM». USA Today. 17. august 2004. Henta 25. mars 2013. 
  10. ↑ Thomas, Stephen (17 August 2004). «Klochkova Scores a Unique Golden Double Double». Swimming World Magazine. Henta 25. mars 2013. 
  11. ↑ «Zimbabwe puts aside racial tensions to give hero's welcome to triple medal winner». USA Today. 25. august 2004. Henta 21 mars 2013. 
  12. ↑ Collegiate Women Sports Awards, Past Honda Sports Award Winners for Swimming & Diving, collegiatewomensportsawards.com. Retrieved 4 December 2014.
  13. ↑ «Kirsty Coventry Named a Finalist for 2005 Collegiate Woman Athlete of the Year», Swimming World News (på engelsk), 20. juni 2005, henta 24. mars 2020 
  14. ↑ (PDF), Auburn University https://www.carycenter.auburn.edu/wpb/files/kirstycoventry.pdf, henta 20. mars 2025  Missing or empty |title= (hjelp)
  15. ↑ "Zimbabwe preparations for Olympic Games gather momentum", Xinhua, 21 May 2008
  16. ↑ "Coventry hands cash to charity", Independent Online,South Africa 12 September 2008.
  17. ↑ «16 Years After Her First, Kirsty Coventry Enjoying One Last Olympic Run». Swimming World. 28 July 2016. Henta 7. september 2018. 
  18. ↑ Race, Loretta (7. september 2018), Olympian Kirsty Coventry appointed Zimbabwe's minister of sport, Swimswam.com, henta 7. september 2018 
  19. ↑ «Olympic swimmer Coventry new minister of sport in Zimbabwe». AP News (på engelsk). 7. september 2018. 
  20. ↑ Antonio, Winstone (2. januar 2020), «Arts minister has let us down: Creatives», NewsDay, arkivert frå originalen 7. januar 2022, henta 23. mars 2022 
  21. ↑ Munyoro, Fidelis. «High Court rules on Zhuwao 'farm'». The Herald. Henta 26. august 2020. 
  22. ↑ «Coventry re-appointed as Sports Minister after disputed elections in Zimbabwe», Inside the Games, 13. september 2023 
  23. ↑ «As euphoria of victory fades, IOC chief Coventry faces geopolitical reality», France 24, 21. mars 2025 
  24. ↑ Results of the IOC Athletes' Commission Election Arkivert 29. august 2015 ved Wayback Machine., aroundtherings.com. Retrieved 7 February 2017.
  25. ↑ Seven candidates announced for IOC presidency, olympics.com, henta 16. september 2024 
  26. ↑ Ingle, Sean, «So who is Kirsty Coventry, who now has global sport's most powerful job?», The Guardian (The Guadian), henta 21. mars 2025 
  27. ↑ «Kirsty Coventry: From Olympic champion to president of the IOC», ZimLive, 21. mars 2025, henta 21. mars 2025 
  28. ↑ «Double joy for Kirsty Coventry as police arrest fiends who robbed her parents», ZimLive, 21. mars 2025, henta 21. mars 2025 
  29. ↑ «Who is Kirsty Coventry, the next president of the International Olympic Committee?», AP News, 21. mars 2025, henta 21. mars 2025 
  30. ↑ «Kirsty Coventry's wedding joy», New Zimbabwe, 13. august 2013, arkivert frå originalen 17. august 2013, henta 28. mars 2014 
  31. ↑ Instagram 
  32. ↑ Kirsty Coventry, Africa's best Olympian, dives in for the last time, NBC Olympics, 28. juli 2016, arkivert frå originalen 10. september 2018, henta 11. august 2016 
  33. ↑ «Kirsty Coventry (ZMB) to be inducted as one of five Honor Swimmers as part of ISHOF Class of 2023», ISHOF, 16. august 2023 
Henta frå «https://nn.wikipedia.org/w/index.php?title=Kirsty_Coventry&oldid=3598614»