Kismul

Kismul
stad
Kismul
Land	Noreg
Fylke	Vestland
Kommune	Bergen
Postnummer	5229 KALANDSEIDET
Gardnummer	85
Ferdselsårer	Kismulvegen
Wikimedia Commons: Kismul

Kismul er ein gard i Fana i Bergen kommune på sør- og søraustsida av Kalandsvatnet.

Det er framleis gardsdrift på garden.

Namn

Gardsbruk på Kismul

Namnet kan ha samanheng med det norrøne kjóss, som tyder «lita vik» og múli, som tyder mule, som i eitt breitt nes eller ein bergknaus.

Historie

Garden høyrte i mellomalderen til Lyse kloster, og etter reformasjonen til Lyseklostergodset. Frå kring 1874-1876 i bondesjølveige.

Nesttun-Osbanen hadde ein stasjon på Kismul.

Geografi

Garden dekkjer den austlege delen av sørsida langs Kalandsvatnet, vest for Kalandseidet. Den austlege grensa går ved Ertrevågen, og sørover til kommunegrensa mot Os, like nord for Lyshornet (405 moh). Den vestlege grensa går frå midten av Ulvvatnet og nordover.

Garden grensar til Fortunet i aust, Kaland og Austevoll i nordaust, Smådal i nord, Sæle i vest, og Hamre i sørvest. I sør ligg Os kommune.

Kjelder

• Gunnar Hagen Hartvedt og Norvall Skreien (2009). Bergen Byleksikon (5 utg.). Oslo: Kunnskapsforlaget. ISBN 978-82-573-1761-4. 
• Bergenskart - stednavnskart Arkivert 2020-02-17 ved Wayback Machine.

Bakgrunnsstoff

Commons har multimedium som gjeld: Kismul