Kjartan Alexander Lunde
| Kjartan Alexander Lunde | |
 Kjartan Alexander Lunde i valkampen 2015 | |
| Fødd | 12. mai 1987 (36 år) Stavanger |
|---|---|
| Statsborgar av | Noreg |
| Parti | Venstre |
| Yrke | Sivilingenør |
| Ektefelle | Thea Emilie Svartsund Lunde |
| Verv | Leiar i Rogaland Venstre 2012– |
| Føregangar | Iselin Nybø |
Kjartan Alexander Lunde (fødd 12. mai 1987) er ein norsk politikar for Venstre som kjem frå Stavanger i Rogaland og er leiar i Rogaland Venstre.
Bakgrunn[endre | endre wikiteksten]
Lunde vart på Rogaland Venstre sitt fylkesårsmøte i februar 2012 vald til leiar i Rogaland Venstre.[1] I valet 2015 vart han vald som medlem av Samferdselsutvalet i Rogaland, Stavanger bystyre og Kommunalstyret for byutvikling i Stavanger.
Lunde meldte seg inn i Unge Venstre i 2001. Han var leiar i Rogaland Unge Venstre 2006–2010[2], medlem av Unge Venstres sentralstyre 2009-2010, og direktevald til Unge Venstres landsstyre 2010-2011. Han var nestleiar i Kontrollutvalet til Stavanger i perioden 2011-2015. Han er leiar av Klagenemnda i Rogaland frå 2015. Han er vararepresentant til Rogaland fylkesting frå 2007.
Lunde er oppvaksen i Stavanger. Han har fullført ein Mastergrad i Sivilingeniør i Industriell økonomi i 2011 ved Universitetet i Stavanger. Han har tidlegare arbeidd som rådgivar for Rogaland Venstre. Han arbeider no som konsulent for Bouvet AS og er fast utleigd til Statoil ASA.
Han var i perioden 2012-2015 styremedlem i Dale eiendomsutvikling AS. Frå mai 2016 er han styremedlem i Rogaland Teater AS.
I løpet av studietida ved Universitetet i Stavanger vart Lunde vald inn i Studentparlamentet i to periodar, 2009-2011. I perioden 2010-2011 var han og landsstyrerepresentant i Norsk studentorganisasjon.
Lunde har eit stort engasjement for global fattigdomsbekjemping og fredsspørsmål. I 2011 var han medlem av fredspriskomiteen til Studentanes fredspris.[3]
Fotnotar[endre | endre wikiteksten]
- ↑ «Ny fylkesleder i Venstre». Rogalands avis. Henta 19. april 2012.
- ↑ «Kjartan Alexander Lunde». Venstre. Henta 19. april 2012.
- ↑ «Committee of 2011». Student Peace Prize. Henta 2. mai 2012.