Kjelvik

Kjelvik
Gamle sjøhus i Kjelvik. Foto: Arnstein Rønning
Høgd over havet		7±1 meter
Plassering
Kjelvik 71°0′7″ N 26°6′45″ E

Kjelvik (nordsamisk Goaskinvággi) er ei fråflytta bygd på Magerøya i Nordkapp kommune i Finnmark-området i Troms og Finnmark fylke.

Ho var etter Honningsvåg den nest største tettstaden på Magerøya inntil staden vart brent av okkupasjonsmakta i 1944. Kjelvik hadde tidleg på 1900-talet om lag 80 innbyggarar, dei fleste av finsk avstamming. I 1930 var det 236 innbyggarar i Kjelvik. Etter krigen vart staden berre delvis attreist. Frå midt på 1970-talet var det ingen fastbuande igjen.

Kjelvik var fram til 1950 namnet på dagens Nordkapp kommune. Kommunen var utskild frå Kistrand i 1861. Staden er avmerka som «Kelwyck» på Mercator sitt kart Atlas Minor frå 1613.