Kjetil Mårdalen

Frå Wikipedia – det frie oppslagsverket
Hopp til navigering Hopp til søk
Kjetil Mårdalen
Statsborgarskap Noreg
Fødd 12. januar 1925
Tinn
Død

4. november 1996

Idrett kombinert
Yrke kombinertløpar, langrennsløpar

Kjetil Mårdalen (12. januar 19254. november 1996) var ein kombinertløpar og langrennar frå Tinn kommune, der han også døydde. Han vann bronsemedaljen i kombinert under verdsmeisterskapen i 1954 i Falun. Året etter gjekk han heilt til topps i Svenska skidspelen. Mårdalen representerte Tinn Skilag. Langrennaren Jon Mårdalen var far hans.

Aktiv[endre | endre wikiteksten]

Kjetil Mårdalen kom på sjetteplass i kombinertrennet under ski-VM 1950 i Lake Placid i USA. Året etter tok han sølvmedaljen i noregsmeisterskapen; 4,5 poeng bakom Simon Slåttvik, men 1,4 poeng framom Sverre Stenersen.

I VM på ski i 1954 i Falun tok norske idrettsmenn dei fem fyrste plassane i kombinert; Sverre Stenersen vart verdsmeister framom Gunder Gundersen, med Mårdalen på bronseplass. Under den Svenska skidspelen for 1955 i Nässjö gjekk Mårdalen heilt til topps, nær fire poeng framom Eero Kemppainen frå Finland og nesten ti føre sin eigen landsmann, Arne Barhaugen. Mårdalen deltok for Noreg også i 1956 i Cortina d'Ampezzo og vart nummer 14 i det olympiske kombinert-rennet.

Han la opp i 1956.

Medaljar og esteplasseringar i internasjonale meisterskap og renn[endre | endre wikiteksten]

  • 1949: Nr 4 i Holmenkollen
  • 1950: Nr 6 i VM i Lake Placid. Nr 3 i Holmenkollen
  • 1951: Nr 3 i Holmenkollen og i Lahti
  • 1953: Nr 3 i Svenska skidspelen i Falun
  • 1954: Bronsemedalje under ski-VM i Falun
  • 1955: Vinnar i Svenska skidspelen i Nässjö
  • 1956: Nr 5 i Holmenkollen

Medaljar og besteplasseringar i noregsmeisterskap[endre | endre wikiteksten]

  • 1950: Nr 4 i kombinert
  • 1951: Sølvmedalje i kombinert
  • 1953: Nr 4 i kombinert
  • 1954: Bronsemedalje i kombinert og nr 5 på 15 km langrenn på Kongsvinger
  • 1955: Nr 4 på Voss i kombinert

Kjelder[endre | endre wikiteksten]

  • Sportsboken, aktuelle årgangar

Bakgrunnsstoff[endre | endre wikiteksten]